Dipesaleme 92:1-15
Pesaleme. Pina ya letsatsi la Sabatha.
92 Ke ntho e ntle ho o leboha Jehova+Le ho binela* lebitso la hao dipina tsa thoriso, wena Ya Phahameng ka ho Fetisisa
2 Le ho bua ka lerato*+ la hao hosengLe botshepehi ba hao bosiu,
3 Ke bina ka seletsa se dikgwele tse leshome le ka lute,Ka modumo o monate wa harepa.+
4 Jehova, o nthabisitse ka lebaka la diketso tsa hao.
Ke hweletsa ke thabile ka lebaka la mesebetsi ya matsoho a hao.
5 Jehova, mesebetsi ya hao e meholo haholo.+
Menahano ya hao e tebile haholo.+
6 Motho ya se nang kelello a ke ke a e tseba.
Lewatla le ke ke la utlwisisa ntho ena:+
7 Le ha ba kgopo ba mela jwalo ka jwang*Le bohle ba etsang dintho tse mpe ba atleha,Ba tla fediswa ka ho sa feleng.+
8 Empa wena Jehova, o dula o phahame ka ho sa feleng.
9 Jehova, bona ka moo dira tsa hao di weleng ka teng,Bona ka moo dira tsa hao di tla fediswa ka teng.
Bohle ba etsang dintho tse mpe ba tla hasana.+
10 Empa o tla eketsa matla* a ka hore a be jwalo ka a poho e hlaha.
Ke tla tlotsa letlalo la ka ka oli e ntjha.+
11 Ke tla thabela ho bona ha dira tsa ka di hlolwa,+Ke utlwe ha batho ba kgopo ba ntlhaselang ba hlolwa.
12 Empa ba lokileng ba tla atleha jwalo ka difate tsa dipalemaEbile ba tla hola jwalo ka difate tsa kedare tsa Lebanone.+
13 Ba lenngwe ka tlung ya Jehova.
Ba atleha mabaleng a Modimo wa rona.+
14 Ba tla nne ba atlehe le ha ba se ba tsofetse.+
Ba tla dula ba le mahlahahlaha mme ba le batjha,+
15 Ba bolela hore Jehova o lokile.
Ke Lefika la ka,+ ha ho mohla a etsang ntho e mpe.
Dintlha tse qetellong ya sehloho
^ Kapa: “letsetsa.”
^ Kapa: “ditlamatlama.”
^ Ka Seheberu: “lenaka.”
