Dipesaleme 97:1-12
97 Jehova ke Morena.+
Lefatshe le ke le thabe.+
Dihlekehleke tse ngata di ke di nyakalle.+
2 O potapotilwe ke maru le lefifi le letsholetsho.+
Ho loka le toka ke motheo wa terone ya hae.+
3 Mollo o tswa ho Modimo,+O tjhesa dira tsohle tsa hae.+
4 Lehadima la hae le kgantsha naha.
Lefatshe le a thothomela ha le le bona.+
5 Dithaba di qhibidiha jwalo ka mafura ka pela Jehova,+Di qhibidiha ka pela Morena wa lefatshe lohle.
6 Mahodimo a phatlalatsa diketso tsa hae tse lokileng,Ditjhaba tsohle di bona kganya ya hae.+
7 Bohle ba rapelang ditshwantsho ba ke ba hlajwe ke dihlong+Le ba ithorisang ka medimo ya bona e se nang thuso.+
Medimo yohle e ke e mo kgumamele.*+
8 Sione e utlwile hore Jehova o hlotse yaba e a thaba.+
Metse* ya Juda le yona e thabileKa lebaka la dikahlolo tsa hao.+
9 Jehova, ke wena Ya Phahameng ka ho Fetisisa hodima lefatshe lohle.
O phahame ho feta medimo e meng yohle.+
10 Lona ba ratang Jehova, hloyang dintho tse mpe.+
O sireletsa batho ba hae ba mo tshepahallang.+
O ba pholosa ho ba kgopo.+
11 Lesedi le kgantsheditse ba lokileng+Le ba dipelo di ntle ba thabile.
12 Thabang ka lebaka la Jehova, lona ba lokileng,Le rorise lebitso* la hae le halalelang.
Dintlha tse qetellong ya sehloho
^ Kapa: “rapele.”
^ Ka Seheberu: “Baradi.”
^ Ka Seheberu: “sehopotso.”
