Diproverbia 10:1-32
10 Maele a Solomone.+
Mora ya bohlale o thabisa ntate wa hae+Empa mora ya se nang kelello ke mesarelo ya mme wa hae.
2 Matlotlo a fumanweng ka bokgopo e tla ba a se nang thusoEmpa ho loka ke hona ho lopollang motho lefung.+
3 Jehova a ke ke a bolaisa ya lokileng tlala+Empa o tla hanela ba kgopo ka ntho eo ba e batlang.
4 Ya botswa o tla futsaneha+Empa ya kgothetseng o tla rua.+
5 Mora ya bohlale o bokella dijo nakong ya lehlabulaEmpa mora ya robalang ha ho kotulwa o a itlotlolla.+
6 Motho ya lokileng o tla hlohonolofatswa+Empa mantswe a ba kgopo a pata ntwa eo ba e kwetlileng.
7 Ya lokileng o tla hopolwa le ho hlohonolofatswa+Empa lebitso la ba kgopo le tla bola.+
8 Ya bohlale* o tla mamela keletso*+Empa ya buang ka ho hloka kelello o tla timela.+
9 Ya tshepahalang o tla tsamaya a sireletsehile+Empa ya sa tshepahaleng o tla senoleha.+
10 Motho ya kobang leihlo ka bolotsana o baka masisapelo+Mme ya buang ka ho hloka kelello o tla timela.+
11 Molomo wa ya lokileng ke mohlodi wa bophelo+Empa mantswe a ba kgopo a pata ntwa eo ba e kwetlileng.+
12 Lehloyo ke lona le tsosang diqabangEmpa lerato le kwahela diphoso tsohle.+
13 Bohlale bo fumanwa mantsweng a* motho ya nang le kutlwisiso+Empa thupa e shapa ya se nang kelello.*+
14 Ba bohlale ba baballa* tsebo+Empa dipuo tsa lewatla di* baka dikgathatso.+
15 Maruo a morui a a mo sireletsa.*
Empa bafutsana ba bolawa ke bofutsana ba bona.+
16 Mesebetsi ya motho ya lokileng e lebisa bophelongEmpa mesebetsi ya motho ya kgopo e lebisa sebeng.+
17 Ya mamelang ha a kgalemelwa ke tsela e lebisang bophelong*Empa ya sa mameleng ha a kgalemelwa o kgelosa ba bang.
18 Ya patang lehloyo la hae o bua leshano+Mme ya senyang ba bang lebitso* ha a na kelello.
19 Ha motho a bua haholo* a ke ke a qoba ho etsa phoso+Empa ya laolang dipuo tsa* hae o etsa dintho ka bohlale.+
20 Leleme la ya lokileng le tshwana le silevera e ntle+Empa pelo ya ya kgopo ha e na thuso.
21 Mantswe a ya lokileng a tataisa* ba bangata+Empa mawatla a shwa ka lebaka la ho hloka kelello.+
22 Tlhohonolofatso e tswang ho Jehova e ruisa motho+Ebile ha e tlise bohloko.*
23 Ho ya se nang kelello, ho etsa boitshwaro bo hlabisang dihlong ho jwalo ka papadiEmpa bohlale ke ba motho ya nang le kutlwisiso.+
24 Ntho eo ya kgopo a e tshohileng ke yona e tla mo hlahelaEmpa dintho tseo ba lokileng ba di labalabelang di tla phethahatswa.+
25 Ha setsokotsane se feta, ya kgopo o tla ba siyo+Empa ya lokileng ke motheo ka ho sa feleng.+
26 Jwalo ka vinika menong le jwalo ka mosi mahlong,Motho ya botswa o jwalo ho ya mo hirileng.*
27 Ho hlompha* Jehova ho lelefatsa dilemo tsa bophelo+Empa ba kgopo ba tla di fokoletswa.+
28 Tshepo* ya ba lokileng e tlisa thabo+Empa tshepo ya ya kgopo e tla fela.+
29 Tsela ya Jehova ke tshireletso bakeng sa ya lokileng+Empa ke tlokotsi ho ba kgopo.+
30 Ha ho mohla motho ya lokileng a tla wa+Empa ba kgopo ba ke ke ba hlola ba dula lefatsheng.+
31 Molomo wa ya lokileng o hlahisa* bohlaleEmpa leleme la ya leshano le tla kgaolwa.
32 Molomo wa ya lokileng o bua dintho tse thabisangEmpa molomo wa ya kgopo o bua leshano.
Dintlha tse qetellong ya sehloho
^ Ka Seheberu: “Ya pelo e bohlale.”
^ Ka Seheberu: “ditaelo.”
^ Ka Seheberu: “molomong wa.”
^ Ka Seheberu: “eo pelo ea hae e haellwang.”
^ Kapa: “boloka.”
^ Ka Seheberu: “molomo wa lewatla o.”
^ Kapa: “ke motse wa hae o matla.”
^ Kapa mohlomong: “o tseleng e lebisang bophelong.”
^ Kapa: “ya sebang ba bang.”
^ Kapa: “Ha motho a bua mantswe a mangata.”
^ Ka Seheberu: “molomo wa.”
^ Kapa: “fepa.”
^ Kapa: “mathata; masisapelo.”
^ Kapa: “romang.”
^ Kapa: “tshaba.”
^ Kapa: “Tebello.”
^ Kapa: “beha ditholwana tsa.”
