Diproverbia 11:1-31
11 Jehova o nyonya sekala sa ho bekga se qhekellangEmpa o kgahliswa ke sekala se bekgang* ka tsela e nepahetseng.+
2 Ha motho a iketelletsa pele, o tla lahlehelwa ke tlhompho+Empa bohlale bo ho ba inyenyefatsang.+
3 Botshepehi ba ba lokileng ke bona bo ba tataisang+Empa leshano la ba bolotsana le tla ba timetsa.+
4 Maruo* a ke ke a thusa letsatsing la kgalefo ya Modimo+Empa ho loka ho tla lopolla lefung.+
5 Diketso tse ntle tsa ya lokileng di tla otlolla tsela ya haeEmpa ya kgopo o tla wa ka lebaka la bokgopo ba hae.+
6 Ba lokileng ba tla pholoswa ke ho loka ha bona+Empa balotsana ba tla tshwaswa ke dintho tseo ba di ratang.+
7 Ha motho ya kgopo a shwa, tshepo ya hae e a felaEsita le matla ao a neng a a tshepile a a fela.+
8 Ya lokileng o pholoswa mahlomolengEmpa ya kgopo o kena ho ona.+
9 Mokwenehi* o fedisa moahisani wa hae ka dipuo*Empa ba lokileng ba pholoswa ke ho ba le tsebo.+
10 Dintho tse molemo tse etswang ke batho ba lokileng di tlisa thabo motsengEmpa ha ba kgopo ba timela ho ba le mohoo wa thabo.+
11 Tlhohonolofatso eo ba lokileng ba e fumanang e haha motse+Empa mantswe a ba kgopo a senya motse.+
12 Motho ya se nang kelello* ha a hlomphe moahisani wa haeEmpa motho ya nang le temoho o a ithiba.+
13 Ya ratang ho senya batho lebitso o ntsha makunutu+Empa motho ya tshepahalang o boloka lekunutu.*
14 Ha batho ba sa tataiswe ka bohlale,* ba a waEmpa ha baeletsi ba le bangata batho ba a atleha.*+
15 Motho ya itlamang hore o tla patala sekoloto sa e mong o ikenya mathateng+Empa ya sa potlakeleng ho etsa ditumellano o tla qoba mathata.
16 Mosadi ya mosa* o iphumanela thoriso+Empa banna ba bahatelli ba ikgapela maruo.
17 Motho ya mosa o itswela molemo+Empa motho ya sehloho o ipakela dikgathatso.*+
18 Ya kgopo o amohela moputso o se nang thuso+Empa ya jalang ho loka o kotula moputso wa nnete.+
19 Ya dulang a etsa dintho tse lokileng o tla fumana bophelo+Empa ya kgothalletseng ho etsa bokgopo* o tla shwa.
20 Jehova o nyonya ba dipelo di bolotsana+Empa ba dulang ba tshepahala* ba a mo thabisa.+
21 Kgodiseha hore motho ya kgopo o tla fuwa kotlo+Empa bana ba ya lokileng ba tla pholoha.
22 Mosadi e motle empa a se na kelelloO jwalo ka lesale la kgauta sefeneng sa kolobe.
23 Takatso ya ba lokileng e qetella ka botle+Empa tshepo ya ba kgopo e fehla kgalefo.
24 Ya fanang o qetella a ena le ho hongata le ho feta+Empa ya timanang le ha a lokela ho fana, o qetella e le mofutsana.+
25 Motho ya fanang o tla atleha,*+Ya kgathollang ba bang le yena o tla kgathollwa.+
26 Batho ba tla rohaka ya timanang ka dijo*Empa ba tla hlohonolofatsa ya di rekisang.
27 Ya kgothallang ho etsa se molemo o tla hauhelwa+Empa ya phehellang ho etsa bobe, jwang kapa jwang bobe bo tla mo wela hodimo.+
28 Ya tshepang maruo a hae o tla wa+Empa ba lokileng ba tla atleha feela jwalo ka makgasi a matala.+
29 Mang kapa mang ya tlisetsang ba ntlo ya hae dikgathatso* a ke ke a fumana letho,*+Sethoto se tla sebeletsa ya bohlale.
30 Ditholwana tsa ya lokileng ke sefate sa bophelo,+Ya hapang dipelo tsa ba bang* o bohlale.+
31 Haeba ya lokileng o tla fumana moputso o mo loketseng lefatsheng,Hakaakang ka ya kgopo le moetsadibe.+
Dintlha tse qetellong ya sehloho
^ Kapa: “majwe a bekgang.”
^ Kapa: “Dintho tsa bohlokwa.”
^ Kapa: “Motho ya sa hlompheng Modimo.”
^ Kapa: “ka molomo wa hae.”
^ Ka Seheberu: “Eo pelo ya hae e haellwang.”
^ Kapa: “o na le sefuba.”
^ Kapa: “ke motho ya bohlale.”
^ Kapa: “bolokeha.”
^ Kapa: “motle.”
^ Kapa: “oa itlotlolla.”
^ Kapa: “ya lelekisang bobe.”
^ Kapa: “ba sa tshwauweng phoso ditseleng tsa bona.”
^ Ka Seheberu: “o tla nona.”
^ Kapa: “ya tlotlollang ba ntlo ya hae.”
^ Ka Seheberu: “o tla fumana moya e le lefa.”
^ Mohlomong ke motho ya thusang ba bang ho tsamaya tseleng ya bophelo.
