Diproverbia 31:1-31
31 Mantswe a Morena Lemuele, molaetsa o boima oo mme wa hae a ileng a mo bolella wona ho mo laya:+
2 Ke reng ho wena mora wa ka?
Ke reng, mora wa ka eo ke mo tswetseng?
Nka reng wena mora wa ka eo ke entseng boitlamo ka yena?+
3 O se ke wa fana ka matla a hao ho basadi+Kapa wa latela ditsela tse timetsang marena.+
4 Ha ho a lokela marena, wena Lemuele,Ha ho a lokela hore marena a nwe veineKapa hore babusi ba re: “Jwala ba ka bo kae?”+
5 Ba se ke ba nwa mme ba lebala molaoYaba ba hanela bafutsana ka ditokelo tsa bona.
6 Fana ka jwala ho ba shwang+Le veine ho ba sithabetseng.+
7 Ba ke ba nwe mme ba lebale bofutsana ba bona,Ba se ke ba hlola ba hopola mathata a bona.
8 Buella batho ba sa kgoneng ho bua,O sireletse ditokelo tsa bohle ba shwang.+
9 Bua mme o ahlole ka ho loka.
Sireletsa ditokelo tsa bafutsana le bahloki.+
א [Aleph]
10 Ke mang ya ka fumanang mosadi wa sebele?*+
Mosadi eo o bohlokwa haholo ho feta dikorale.*
ב [Beth]
11 Monna wa hae o mo tshepa ka pelo yohleMme monna wa hae ha a hloke letho.
ג [Gimel]
12 Ka matsatsi ohle a bophelo ba hae,O putsa monna wa hae ka dintho tse molemo, eseng tse mpe,
ד [Daleth]
13 O fumana boya ba dinku le line,O thabela ho sebetsa ka matsoho.+
ה [He]
14 O tshwana le dikepe tsa rakgwebo,+O tlisa bohobe ba hae ho tswa hole.
ו [Waw]
15 O boetse o tsoha esale ka matjeke,O fa ba ntlo ya hae dijoA fe le barwetsana ba mo sebeletsang dijo.*+
ז [Zayin]
16 O hlahloba tshimo ebe o a e reka,O lema serapa sa morara ka matsoho a hae.*
ח [Heth]
17 O itokisetsa mosebetsi o boima*+Mme o matlafatsa matsoho a hae.
ט [Teth]
18 O a bona hore kgwebo ya hae e ntle.
Lebone la hae ha le time bosiu.
י [Yod]
19 O tshwere toloki,Matsoho a hae a tshwara thupa e ohlang.*+
כ [Kaph]
20 O thusa bafutsana,O thusa batho ba hlokang.+
ל [Lamed]
21 Ha a tshwenyehe ka ba ntlo ya hae mariha.
Ba ntlo ya hae kaofela ba apere diaparo tse mofuthu.*
מ [Mem]
22 O iketsetsa masela a kwahelang bethe.
Diaparo tsa hae ke tsa line le boya bo pherese.
נ [Nun]
23 Monna wa hae o a hlompheha dikeiting tsa motse+Moo a dulang hara banna ba baholo ba motse.
ס [Samekh]
24 O etsa diaparo tsa line* ebe o a di rekisaMme o rekisetsa borakgwebo mabanta.
ע [Ayin]
25 O apere matla le bokgabaneEbile ha a tshwenyehe ka* letsatsi le hlahlamang.
פ [Pe]
26 Ha a phahamisa molomo o bua dintho tse bohlale.+
Molao wa mosa o laola leleme la hae.*
צ [Tsade]
27 O amehile ka mesebetsi ya lelapa la haeHape ha a je bohobe ba botswa.+
ק [Qoph]
28 Bana ba hae ba a ema, ba phatlalatsa hore o thabile.
Monna wa hae o a ema mme o a mo rorisa.
ר [Resh]
29 Ho na le basadi ba sebele* ba bangataEmpa wena o ba feta kaofela.
ש [Shin]
30 Tjhebahalo e ntle e ka thetsa, le botle bo a fela*+Empa mosadi ya hlomphang* Jehova o tla roriswa.+
ת [Taw]
31 Mo feng moputso bakeng sa dintho tseo a di etsang.*+
Le mesebetsi ya hae e ke e mo rorise dikeiting tsa motse.+
Dintlha tse qetellong ya sehloho
^ Kapa: “wa mmakgonthe.”
^ Kapa mohlomong: “mosebetsi.”
^ Kapa: “moputso wa hae.” Ka Seheberu: “ditholwana tsa matsoho a hae.”
^ Ka Seheberu: “O itlamme letheka ka thata.”
^ Toloki le thupa e ohlang di ne di sebediswa ho etsa kgwele ka boya kapa ho e harela.
^ Ka Seheberu: “morumo.”
^ Kapa: “diaparo tsa ka hare.”
^ Kapa: “o tsheha.”
^ Kapa: “ha a ruta, o mosa.” Ka Seheberu: “molao wa mosa o lelemeng la hae.”
^ Kapa: “ba mmakgonthe.”
^ Kapa: “ke lefeela.”
^ Kapa: “tshabang.”
^ Ka Seheberu: “Mo feng ditholwana tsa mosebetsi wa hae.”
