Diproverbia 9:1-18
9 Bohlale ba nnete bo hahile ntlo ya bona,Bo entse* dipilara tsa bona tse supileng.
2 Bo hlophisitse nama,Bo tswakile veine ya bona,Bo tekile tafole ya bona.
3 Bo romme basebetsi* ba bonaE le hore ba hweletse ba le qhoweng ya motse+ ba re:
4 “Mang kapa mang ya se nang tsebo a ke a fapohele mona.”
Bohlale bo re ho ya se nang kelello:*
5 “Tloo, o je bohobe ba ka,O nwe le veine eo ke e tswakileng.
6 Furalla bothoto* e le hore o phele,+Tswela pele ho tsamaya tseleng ya kutlwisiso.”+
7 Ya kgalemelang mosomi o tla tlotlolleha+Le ya kgalemelang motho ya kgopo o tla utlwa bohloko.
8 O se ke wa kgalemela mosomi hobane o tla o hloya.+
Kgalemela motho ya bohlale mme o tla o rata.+
9 Ruta motho ya bohlale mme o tla hlalefa le ho feta.+
Ruta motho ya lokileng mme o tla nne a eketse tsebo ya hae.
10 Mohato wa pele wa ho fumana bohlale* ke ho hlompha* Jehova.+
Ho tseba Ya Halalelang ka ho Fetisisa+ ho bolela kutlwisiso.
11 Ka lebaka la bohlale matsatsi a hao a tla ba mangata+Mme o tla ekeletswa dilemo tsa ho phela.
12 Haeba o hlalefa, bohlale ba hao bo tla tswela wena molemoEmpa haeba o le mosomi, ke wena o le mong ya tla ja ditholwana tsa ho soma.
13 Mosadi ya se nang kelello o lerata.+
Ke sethoto ebile ha a tsebe letho ho hang.
14 O dula monyako wa ntlo ya hae,Hodima setulo sebakeng se phahameng sa motse,+
15 O hweletsa ba fetang ka tsela,O re ho ba iphethelang mabaka a bona:
16 “Mang kapa mang ya se nang tsebo a ke a fapohele mona.”
O re ho ba se nang kelello:*+
17 “Metsi a utswitsweng a monateLe dijo tse jellwang sephiring di monate.”+
18 Empa ba se nang kelello ha ba tsebe hore ntlo ya hae e tletse bafu,Hore baeti ba hae ba theohetse Lebitleng.*+
Dintlha tse qetellong ya sehloho
^ Kapa: “betlile.”
^ Basebetsi ba basadi.
^ Ka Seheberu: “eo pelo ya hae e haellwang.”
^ Kapa: “ba se nang tsebo.”
^ Ka Seheberu: “tshaba.”
^ Ka Seheberu: “Motheo wa bohlale.”
^ Ka Seheberu: “bao dipelo tsa bona di haellwang.”
