Esaia 15:1-9
-
Phatlalatso e tobisitsweng ho Moabe (1-9)
15 Phatlalatso e tobisitsweng ho Moabe:+
Motse wa Are+ o Moabe o kgutsitseHobane o tlatlapuwe bosiu.
Motse wa Kire+ o Moabe o kgutsitseHobane o tlatlapuwe bosiu.
2 Batho ba nyolohetse Ntlong* le ho Dibone+Le dibakeng tse phahameng ho ya lla.
Moabe o llela Nebo+ le Medeba.+
Hlooho e nngwe le e nngwe e kutilwe lekorwana,+ ditedu tsohle di kutilwe.+
3 Ba apere lesela le hwashang* diterateng tsa yona.
Kaofela ba bokolla ba le marulelong le dimmarakeng tsa bona,Ba theoha ba lla.+
4 Heshbone le Eleale+ di a lla.
Mantswe a tsona a utlwahala ho ya fihla Jahaze.+
Ke ka hoo masole a Moabe a ntseng a hweletsa.
Setjhaba se a thothomela.
5 Pelo ya ka e llela Moabe.
Baahi ba yona ba balehile ho ya fihla Zoware+ le Eglathe-shelishia.+
Ba lla ba ntse ba nyoloha moepa wa Duhithe.
Ha ba le tseleng e yang Horonaime, ba bokolla ka lebaka la tlokotsi.+
6 Metsi a Nimrime a pshele,Jwang bo botala bo omeletse.
Jwang bo fedile, ha ho letho le letala le setseng.
7 Ke ka lebaka leo ba ntseng ba nka thepa ya bona e setseng le maruo a bona,Ba tshela kgohlo* ya dipopoliri.
8 Mohoo o utlwahala naheng yohle ya Moabe.+
Seboko sa teng se fihla Eglaime,Seboko sa teng se fihla Beere-elime.
9 Metsi a Dimone a tletse madiEmpa ke hona ke sa tla tlisa koduwa ho Dimone:
Ke tla tlisa tau ho batho ba Moabe ba phonyohilengLe ba setseng naheng.+
