Esaia 26:1-21
26 Letsatsing leo, ho tla binwa pina+ ena naheng ya Juda:+
“Re na le motse o matla.+
Modimo o etsa hore mabota le marako a ona a tshireletso e be poloko.+
2 Bulang dikeiti+ e le hore setjhaba se lokileng se kene,Setjhaba se etsang dintho ka botshepehi.
3 O tla sireletsa batho ba itshetlehang ka wena ka botlalo.*
O tla ba fa kgotso e sa feleng+Hobane ba tshepile wena.+
4 Tshepang Jehova ka ho sa feleng+Hobane Jah* Jehova ke Lefika ka mehla le mehla.+
5 O kokobeditse ba ahileng phahameng, motseng o phahameng.
O o theolela fatshe,O o kokobeletsa fatshe.
O o lahlela fatshe leroleng.
6 O tla hatakelwa keMaoto a ya mahlomoleng, mehato ya bafutsana.”
7 Tsela ya motho ya lokileng e lokile.*
Ka ha o lokile,O tla batalatsa tsela ya motho ya lokileng.
8 Jehova, ha re ntse re tsamaya tseleng ya hao ya ho loka,Re tshepile wena.
Re labalabela lebitso la hao le sehopotso sa hao.*
9 Ke o batla ka matla* bosiu,Ke dula ke o batla ka tjheseho+Hobane ha ho ena le dikahlolo tse tswang ho wena bakeng sa lefatshe,Baahi ba lefatshe ba ithuta ho loka.+
10 Le haeba motho ya kgopo a ka hauhelwa,A ke ke a ithuta ho loka.+
O tla etsa bokgopo le ha a le naheng ya ho loka+Mme a ke ke a bona boholo ba Jehova.+
11 Jehova, letsoho la hao le phahame empa ha ba le bone.+
Ba tla bona hore o tshabana ka batho ba hao mme ba tla swaba.
Ba tla tjheswa ke mollo o etseditsweng bahanyetsi ba hao.
12 Jehova, o tla re fa kgotso+Hobane ntho e nngwe le e nngwe eo re e entseng,Ke wena ya re thusitseng hore re e etse.
13 Jehova Modimo wa rona, re kile ra buswa ke benghadi ba bang ntle ho wena+Empa re bua ka lebitso la hao feela.+
14 Ba shwele, ba ke ke ba phela.
Ha ba na matla, ba ke ke ba ema+Hobane o ba ahlotseHore o ba timetse e le hore batho ba se ke ba hlola ba ba hopola.
15 O ekeditse setjhaba, Jehova,O ekeditse setjhaba.
O itlotlisitse.+
O atolositse meedi yohle ya naha haholo.+
16 Jehova, ba tlile ho wena nakong ya mahlomola.
Ha o ba kgalemela, ba rapetse ka matla ka lentswe le tlase.+
17 Feela jwalo ka mosadi wa moimana ha a le haufi le ho beleha,A eba le mahlaba a pelehi mme a bokolla,Le rona re bile jwalo ka lebaka la hao, Jehova.
18 Re ile ra ima, ra ba le mahlaba a pelehiEmpa e ne eka re tswetse moya.
Ha re a pholosa nahaMme ha ho motho ya tswaletsweng ho tla phela naheng.
19 Modimo o re: “Bafu ba hao ba tla phela.
Ditopo* tsa ka di tla tsoha.+
Tsohang mme le hweletse le thabile,Lona ba ahileng leroleng.+
Phoka ya lona e tshwana le phoka ya hoseng*Mme lefatshe le tla etsa hore bafu ba phele.*
20 Eya, setjhaba sa ka, kena dikamoreng tsa hao tse ka hare,O kwale mamati.+
Ipate ka nakwanaHo fihlela kgalefo* e fetile.+
21 Jehova o tloha sebakeng sa haeHo bitsa baahi ba naha hore ba ikarabelle bakeng sa phoso ya bona,Naha e tla pepesa madi a tsholotsweng ho yonaMme ha e sa tla hlola e kwahela batho ba yona ba bolailweng.”
Dintlha tse qetellong ya sehloho
^ Kapa mohlomong: “bao maikutlo a bona a tsitsitseng.”
^ “Jah” ke kgutsufatso ya lebitso Jehova.
^ Kapa: “bataletse.”
^ E leng hore batho ba hopole Modimo le lebitso la hae mme le tsebahatswe.
^ Kapa: “ka moya wa ka.”
^ Ka Seheberu: “Setopo.”
^ Kapa mohlomong: “phoka ya ditlama (tikamotse).”
^ Kapa: “le tla tswala ba se nang matla lefung.”
^ Kapa: “nyatso.”
