Esaia 28:1-29
28 Ho madimabe korone* e ikgohomosang ya matahwa a Efraime+Le thunthung e ponang ya botle ba yona bo kganyang,E qalong ya kgohlo e nonneng ya ba tahilweng ke veine.
2 Jehova o na le motho ya matla.
O tla betsetsa korone eo fatsheJwalo ka sefako le seaduma, sefefo se senyang,Jwalo ka sefefo se tlang ka seaduma le morwallo o matla o tsholohang.
3 Dikorone tse ikgohomosang tsa matahwa a EfraimeDi tla hatakelwa ka maoto.+
4 Palesa e ponang ya botle ba yona bo kganyangE qalong ya phula e nonneng,E tla tshwana le feie* ya pele e butswang pele lehlabula le thwasa.
Ha motho a e bona, o e kwenya hang ha e fihla ka letsohong la hae.
5 Ka letsatsi leo, Jehova wa mabotho e tla ba korone e hlomphehang le korone e ntle ya dipalesa ho ba setseng setjhabeng sa hae.+
6 Hape o tla susumetsa ya ahlolang hore a ahlole ka toka, e be mohlodi wa matla ho ba thibang dira keiting.+
7 Baprista le baprofeta ba tswile tseleng ka lebaka la veine.
Jwala ba bona bo etsa hore ba thekesele.
Moprista le moprofeta ba tswile tseleng ka lebaka la jwala.
Veine e a ba ferekanya,Jwala ba bona bo etsa hore ba thekesele.
Pono ya bona e a ba kgelosa,Ba a kgoptjwa ha ba etsa qeto.+
8 Ditafole tsa bona di tletse mahlatsa,Ha ho na sebaka se se nang ona.
9 Ba re: “Ke mang eo a tla mo ruta?
Ke mang ya tla mo hlalosetsa molaetsa?
Na ke ba sa tswa kgweswa,*Ba sa tswa tlohediswa letswele?
10 Ke ‘taelo hodima taelo, taelo hodima taelo,Molao hodima molao, molao hodima molao,*+Hanyenyane mona, hanyenyane mane.’”
11 Ka hoo, Modimo o tla sebedisa batho ba lehwelea* le ba buang puo e fapaneng ho bua le batho bana.+
12 O kile a re ho bona: “Sena ke sebaka sa phomolo. Ya tepeletseng a phomole. Sena ke sebaka sa boiketlo” empa ba hana ho mamela.+
13 Ka hoo, ho bona lentswe la Jehova e tla ba:
“Taelo hodima taelo, taelo hodima taelo,Molao hodima molao, molao hodima molao,*+Hanyenyane mona, hanyenyane mane”E le hore ha ba tsamaya,Ba kgoptjwe ba we ka mokokotlo,Ba robehe, ba tshwasehe ba be ba tshwarwe.+
14 Ka hona, utlwang lentswe la Jehova, lona baithorisi,Lona babusi ba batho bana ba leng Jerusalema,
15 Le re:
“Re entse selekane le Lefu,+Re entse tumellano* le Lebitla.*
Ha morwallo o matla o feta,O ke ke wa re fihlelaHobane re entse leshano setshabelo sa rona,Re ipatile leshanong.”+
16 Ka hona, Jehova Mmusi wa Dintho Tsohle o re:
“Ke beha lejwe e le motheo Sione, lejwe le lekilweng,+Lejwe la sekgutlo la bohlokwa+ le behilweng e le motheo o tiileng.+
Mang kapa mang ya bontshang tumelo ho lona a ke ke a tshoha.+
17 Ke tla etsa hore toka e be kgwele e methang,+Ho loka e be sesebediswa se otlollang.*+
Sefako se tla hohola setshabelo sa bona e leng leshanoLe metsi a kwahele sebaka seo ho ipatwang ho sona.
18 Selekane seo le se entseng le Lefu se tla fediswaMme tumellano ya lona le Lebitla* e ke ke ya ema e tiile.+
Ha morwallo o matla o feta,O tla le sila.
19 Nako le nako ha o feta,O tla le hohola+Hobane o tla feta hoseng ho hong le ho hong,Bosiu le motshehare.
Ke letswalo feela le tla etsa hore ba utlwisise molaetsa.”*
20 Bethe e nyenyane haholo hore motho a paqame hodima yonaLe kobo e nyenyane haholo hore motho a ka ithatela ka yona.
21 Jehova o tla ema jwalo ka ha a ile a ema Thabeng ya Perazime.
O tla halefa jwalo ka ha a ile a halefa kgohlong* e haufi le Gibeone+E le hore a etse ketso ya hae e makatsangLe hore a etse mosebetsi wa hae o sa tlwaelehang.+
22 Jwale le se ke la soma+E le hore diketane tsa lona di se ke tsa tiiswa le ho fetaHobane ke utlwile hore Mmusi wa Dintho Tsohle, Jehova wa mabothoO rerile ho timetsa naha yohle.*+
23 Thehang tsebe mme le utlwe lentswe la ka.
Mamelang ka hloko mme le utlwe hore na ke reng.
24 Na molemi o dula a lema letsatsi kaofela pele a jala peo?
Na o dula a thuha le ho haraka* mobu wa hae? Tjhe.+
25 Ho ena le hoo, ha a se a o bataladitse ka hodimo,O jala kumine mme o hasanya kumine e ntshoHape o jala koro, nyalothe* le harese sebakeng sa tsonaLe mofuta o mong wa koro*+ mahlakoreng.
26 Modimo o mo ruta* tsela e nepahetseng.
Modimo wa hae o a mo rupela.+
27 Kumine e ntsho ha e polwe ka selei*+Mme lebidi la kariki ha le tsamaiswe hodima kumine e nngwe.
Ho ena le hoo, kumine e ntsho e polwa ka molamu,Ha kumine e nngwe e polwa ka lere.
28 Na motho a ka pola koro* hore e be phofo ya bohobe?
Tjhe, ha a di pole a sa kgaotse.+
Le ha a tsamaisa lebidi la kariki ya hae hodima tsona ka dipere tsa hae,Ha a di sile.+
29 Mantswe ana le ona a tswa ho Jehova wa mabotho,Eo morero* wa hae o hlollangLe ya fihletseng dintho tse kgolo.*+
Dintlha tse qetellong ya sehloho
^ Mona ho buuwa ka motsemoholo Samaria.
^ Kapa: “feiga.”
^ E leng ha ngwana a tlohediswa ho nyanya.
^ Ka Seheberu: “Kgwele ya ho lekanya hodima kgwele ya ho lekanya, kgwele ya ho lekanya hodima kgwele ya ho lekanya.”
^ Ka Seheberu: “ba melomo e kokotletsang.”
^ Kapa: “Kgwele ya ho lekanya hodima kgwele ya ho lekanya, kgwele ya ho lekanya hodima kgwele ya ho lekanya.”
^ Kapa mohlomong: “re entse pono.”
^ Kapa: “kgwele e otlollang.”
^ Kapa mohlomong: “Ha ba utlwisisa, ba tla tshoha haholo.”
^ Kapa: “phuleng.”
^ Kapa: “lefatshe lohle.”
^ Kapa: “kofola.”
^ Mona ho sebedisitswe lentswe la Seheberu le hlalosang koro ya boemo bo tlase e neng e lengwa Egepeta ya boholoholo.
^ Ke semela se hlahisang peo e nyenyane e sebedisetswang ho etsa bohobe. Ka Senyesemane ke millet.
^ Kapa: “laya ka; kgalemela ka.”
^ Kapa: “kgalemelo.”
^ Kapa: “Le ya bohlale haholo.”
