Esaia 49:1-26
49 Mmameleng, lona dihlekehleke,Utlwang, lona ditjhaba tse hole.+
Jehova o mpitsitse le pele ke hlaha.*+
Ho tloha ke sa le ka popelong ya Mme, o bitsitse lebitso la ka.
2 O entse hore molomo wa ka o be jwalo ka sabole e bohale.
O mpatile moriting wa letsoho la hae.+
O entse hore ke be lerumo le leoditsweng,A mpata ka mokotleng wa hae o tshelang metsu.
3 A re ho nna: “O mohlanka wa ka, wena Iseraele,+Eo ke tla bonahatsa botle ba ka ka yena.”+
4 Empa ka re: “Ke sehletse lefeela.
Ke sentse matla a ka bakeng sa ntho e siyo.
Empa ka nnete Jehova ke yena ya nkahlolang*Le moputso wa ka o ho Modimo wa ka.”+
5 Jwale Jehova ya nkentseng ho tloha ka popelong ke le mohlanka wa hae,O itse ke kgutlisetse Jakobo ho yenaE le hore Iseraele e bokellelwe ho yena.+
Ke tla tlotliswa mahlong a JehovaMme Modimo wa ka e tla be e le matla a ka.
6 Yaba o re: “Ha ho a lekana hore ebe o mohlanka wa kaBakeng sa ho hlahisa maloko a JakoboLe ho kgutlisa ba sireleditsweng ba Iseraele feela.
Ke boetse ke fane ka wena o le lesedi la ditjhaba+E le hore poloko ya ka e ka fihla dikgutlong tsa lefatshe.”+
7 Jehova, Molopolli wa Iseraele, Mohalaledi wa yona,+ o re ho ya rohakilweng,+ ho ya hloilweng ke setjhaba, ho mohlanka wa babusi:
“Marena a tla bona mme a raoheLe dikgosana di tla inamaKa lebaka la Jehova, ya tshepahalang,+Mohalaledi wa Iseraele, ya o kgethileng.”+
8 Jehova o re:
“Ke ile ka o araba+ ka nako ya mosa* wa kaMme ka o thusa ka letsatsi la poloko.+
Ke nnile ka o sireletsa e le hore ke fane ka wena o le selekane bakeng sa batho+Hore o etse hore naha e boele e be le baahi,Ho etsa hore ba je mafa a bona a lahlilweng kgerehlwa.+
9 Ho tla thwe ho batshwaruwa: ‘Tswang!’+
Le ho ba lefifing:+ ‘Itlhahiseng!’
Ba tla jella pela ditsela,Makgulo a bona a be pela ditsela tsohle.*
10 Ba ke ke ba lapa kapa ba nyorwa,+Ba otlwa ke motjheso o bataolang kapa letsatsi.+
Modimo ya ba hauhelang o tla ba etella pele,+O tla ba isa didibeng tsa metsi.+
11 Ke tla etsa hore dithaba tsohle tsa ka e be tselaLe ditsela tsa ka tse kgolo di tla phahamiswa.+
12 Batho bana ba tla ba tswa hole,+Bana ba tswa leboya le bophirimelaMme bana bona ba tswa naheng ya Sinime.”+
13 Hweletsang le thabile, lona mahodimo mme o thabe, wena lefatshe.+
Dithaba di ke di nyakalle, di hweletse di thabile.+
Jehova o tshedisitse batho ba hae,+O hauhela batho ba hae ba mahlomoleng.+
14 Empa Sione o ile a nna a re:
“Jehova o ntahlile.+ Jehova o ntebetse.”+
15 Na mosadi a ka lebala ngwana wa hae ya anyangKapa a hloleha ho hauhela mora wa hae eo a mo tswetseng?*
Esita le haeba basadi bana ba ka lebala, nna nke ke ka o lebala.+
16 Ke o ngotse diatleng tsa ka.
Marako a hao a ka pela ka ka mehla.
17 Bana ba hao ba kgutla ba potlakile.
Ba ileng ba o qhaqha le ho o ripitla ba tla tloha ho wena.
18 Phahamisa mahlo mme o shebe hohle.
Kaofela ha bona ba a bokana.+
Ba tla ho wena.
Jehova o re: “Ha feela ke ntse ke phela,O tla ikapesa bona kaofela jwalo ka ha eka ke mekgabiso,Jwalo ka ha monyaduwa a rwala sefaha.
19 Le hoja dibaka tsa hao di ne di ripitlilwe le naha ya hao e le dithako,+Hona jwale e tla ba nyenyane haholo bakeng sa ba dulang moo.+
Ba ileng ba o ripitla*+ ba tla ba hole.+
20 Bana ba hlahileng ka mora hore o shwelwe ke bana ba tla re moo o ntseng o utlwa:
‘Sebaka sena se senyenyane haholo bakeng sa rona.
Re fe sebaka e le hore re dule mona.’+
21 O tla re ka pelong:
‘Ntate wa bana baa ba ka ke mangKa ha ke mosadi ya shwetsweng ke bana ebile ke nyopa,Ke hapuwe ebile ke motshwaruwa?
Ke mang ya hodisitseng bana baa?+
Ke ne ke setse ke le mong to!+
Jwale bana baa ba tswa kae?’”+
22 Jehova Mmusi wa Dintho Tsohle o re:
“Ke tla phahamisetsa ditjhaba letsoho la kaMme ke tla phahamisetsa batho letshwao* la ka.+
Ba tla tlisa bara ba hao ba ba sikile,*Ba jare baradi ba hao mahetleng a bona.+
23 Marena e tla ba bahlokomedi ba hao+Le dikgosatsana tsa ona e be baoki ba hao.
Ba tla o inamela difahleho di shebile fatshe,+Ba tla ikokobeletsa wena*+Mme jwang kapa jwang o tla tseba hore ke nna Jehova.
Ba ntshepang ba ke ke ba swaba.”+
24 Na monna ya matla a ka amohuwa ba seng ba hapilweKapa na batshwaruwa ba mohatelli ba ka pholoswa?
25 Jehova o itse:
“Esita le batshwaruwa ba monna ya matla ba tla nkwa,+Ba nkilweng ke mohatelli ba tla pholoswa.+
Ke tla lwantsha ba le lwantshang,+Ke pholose bana ba lona.
26 Ke tla etsa hore ba le tshwarang hampe ba je nama ya bona,Ba tahwe ke madi a bona jwalo ka ha eka ba tahilwe ke veine e monate.
Jwang kapa jwang batho bohle* ba tla tseba hore ke nna Jehova,+Mopholosi wa hao+ le Molopolli wa hao,+Ya Matla wa Jakobo.”+
Dintlha tse qetellong ya sehloho
^ Ka Seheberu: “ke sa le ka popelong.”
^ Kapa: “Jehova o tla nkahlola ka toka.”
^ Kapa: “kamohelo.”
^ Kapa mohlomong: “maralla a hlobotseng.”
^ Kapa: “mora wa popelo ya hae?”
^ Kapa: “kwenya.”
^ Ka Seheberu: “ba le difubeng tsa bona.”
^ Kapa: “palo.”
^ Ka Seheberu: “Ba tla nyeka lerole le maotong a hao.”
^ Ka Seheberu: “nama yohle.”
