Esaia 57:1-21
57 Ya lokileng ha a sa le yo*Empa ha ho ya ho tebisetsang pelong.
Batho ba tshepahalang ba a shwa,+Ha ho ya lemohang hore ya lokileng o shweleKa lebaka la tlokotsi.*
2 O fumana kgotso.
Bohle ba tsamayang ka ho loka ba phomola mabitleng.*
3 “Empa ha e le lona, atamelang mona,Lona bara ba senohe sa mosadi,Bana ba monna ya febang le ba mosadi wa letekatse:
4 Ke mang eo le mo tshehang?
Ke mang eo le mo somang le eo le mo rohakang?
Na ha le bana ba baetsadibe,Bana ba batho ba leshano,+
5 Ba nang le takatso e matla ya ho etsa botekatse hara difate tse kgolo,+Tlasa sefate se seng le se seng se behang haholo,+Ba bolaelang bana dikgohlong,*+Dipakeng tsa mafika?
6 O* rata majwe a boreledi a kgohlo.+
Ke ona ao o a kgethileng.
Le ona o a tshella dinyehelo tsa dino mme o a fa dimpho.+
Na nka kgotsofatswa* ke dintho tsee?
7 O behile bethe ya hao thabeng e hodimo le e phahameng,+O nyolohetse teng ho ya nyehela sehlabelo.+
8 O behile setshwantsho* sa hao ka tlung ya hao.*
O mphuraletse mme o a hlobola.
Wa nyoloha, wa etsa hore bethe ya hao e be kgolo.
Wa etsa selekane le bona.
O ratile ho robala betheng ya bona+Le ho sheba setho sa botona.*
9 Wa theohela Meleke* ka oliLe ka oli e ngata e nkgang hamonate.
Wa romela baromuwa ba hao hole,Hoo o ileng wa theohela Lebitleng.*
10 O sehlile ka ho latela ditsela tsa hao tse ngata.
Empa ha o a ka wa re: ‘Ha ho na thuso!’
O hlasimolohile.
Ke ka lebaka leo o sa teleng.*
11 O tshohile mang, hona o tshaba mangHore o be o bue leshano?+
Ha o a ka wa nkgopola.+
Ha o a ka wa nahanisisa ka letho.+
Ka ha ke ne ke thotse, ke kgutsitse,*+O ne o sa ntshabe.
12 Ke tla pepesa ‘ho loka’+ ha hao le mesebetsi ya hao+Mme e ke ke ya o tswela molemo.+
13 Ha o hweletsa ho kopa thuso,Ditshwantsho tseo o di bokeletseng di ke ke tsa o pholosa.+
Moya o tla di fefola kaofela,Di tla nkwa ke moyanyana feela.
Empa ya tshabelang ho nna, naha ena e tla ba lefa la hae,O tla dula thabeng ya ka e halalelang.+
14 Ho tla thwe: ‘Etsang tsela, etsang tsela. Lokisang tsela.+
Tlosang tshitiso efe kapa efe tseleng ya batho ba ka.’”
15 Ya Hodimo le Ya Phahameng,Ya phelang*+ ka ho sa feleng, eo lebitso la hae le halalelang+ o re:
“Ke dula sebakeng se phahameng, se halalelang+Hape ke dula le ba nyahameng le ba weleng moyaE le hore ke hlasimolle ba weleng moyaLe ho hlasimolla dipelo tsa ba nyahameng.+
16 Nke ke ka ba hanyetsa ho ya ho ileKapa ka dula ke halefile.+
Ka lebaka la ka motho* o ne a tla tepella+Esita le dibopuwa tse phelang tseo ke di entseng.
17 Ke ne ke halefetse hore ebe o* ne a etsa sebe sa ho latella ho fumana phaello ya bolotsana,+Ka hoo ka mo otla, ka pata sefahleho sa ka ka ba ka mo halefela.
Empa a nna a tsamaya jwalo ka mokwenehi,+ a tsamaya tseleng ya pelo ya hae.
18 Ke bone ditsela tsa haeEmpa ke tla mo fodisa+ le ho mo tataisa,+Ke mo tshedise,*+ yena le batho ba hae ba utlwileng bohloko.”+
19 Jehova o re: “Ke beha mantswe a thoriso lelemeng la motho.*
Ho tla ba le kgotso e sa feleng ho motho ya hole le ya haufi+Mme ke tla mo fodisa.”
20 “Empa ba kgopo ba jwalo ka lewatle le lwebehlanang, le ke keng la kokobela,Leo metsi a lona a hlahisang ditlamatlama tsa lewatle le seretse.
21 Ba kgopo ba ke ke ba fumana kgotso,” ke Modimo wa ka ya tjhong.+
Dintlha tse qetellong ya sehloho
^ Kapa mohlomong: “Mme o phonyohile tlokotsi.”
^ Kapa: “o timetse.”
^ Ka Seheberu: “dibetheng tsa bona.”
^ Ke Sione kapa Jerusalema.
^ Kapa: “Na nka itshedisa.”
^ E ka nna yaba e ne e le setshwantsho se rapelwang.
^ Ka Seheberu: “ka mora lemati le kosene ya monyako.”
^ E ka nna yaba ke borapedi ba ditshwantsho.
^ Kapa mohlomong: “ho morena.”
^ Ka Seheberu: “kgathaleng.”
^ Kapa: “ke patile diketso tsa hao.”
^ Kapa: “dulang.”
^ Ka Seheberu: “moya wa motho.”
^ Ho bonahala ho buuwa ka setjhaba sa Iseraele.
^ Kapa: “buseletse ka matshediso.”
^ Ka Seheberu: “ke bopa ditholwana tsa molomo.”
