Ezekiele 19:1-14
-
Kodiyamalla ya dikgosana tsa Iseraele (1-14)
19 “Bina kodiyamalla* e buang ka dikgosana tsa Iseraele
2 o re,‘Mme wa hao o ne a le jwalo ka tau e tshehadi hara ditau.
O ne a dula hara ditawana tse matla a hodisa madinyane a hae.
3 O ile a hodisa ledinyane le leng la hae hore e be tawana e matla.+
E ile ya ithuta ho harola diphoofolo tseo e di tsommeng,E ne e bile e ja batho.
4 Ditjhaba di ile tsa utlwela ka tawana eo yaba di tjheka sekoti di a e tshwasa,Tsa e isa naheng ya Egepeta di e tshwere ka dihakisi.+
5 Mme wa yona o ile a ema ho fihlela a bona hore ha ho sa na tshepo ya hore e tla kgutla.
A nka ledinyane le leng la hae a le etsa tawana e matla.
6 Le lona le ile la dula hara ditau tse ding mme la fetoha tawana e matla.
E ile ya ithuta ho harola diphoofolo tseo e di tsommeng, e ne e bile e ja batho.+
7 E ne e tsamaya hara ditora tsa bona tse sireleditsweng ka thata le metseng ya bona e senyehileng.
Ha e puruma, modumo wa yona o ne o utlwahala hohle naheng eo e senyehileng.+
8 Ditjhaba tse tswang diterekeng tse e potolohilengTsa e tshwasa ka letlowa ka sekoting seo di se tjhekileng.
9 Di ile tsa e tshwara ka dihakisi, tsa e kenya ka serobeng sa ditshepe yaba di e isa ho morena wa Babilona.
Tsa e kwalla moo e le hore lentswe la yona le se ke la hlola le utlwahala dithabeng tsa Iseraele.
10 Mme wa hao o ne a le jwalo ka sefate sa morara*+ se lenngweng pela metsi.
Se ne se eba le makala ebile se beha ditholwana hobane se le pela metsi a mangata.
11 Makala* a sona a ile a tiya hoo a neng a kgona ho etsa mare a borena a babusi.
Se ile sa hola sa eba selelele ho feta difate tse ding,Se ne se bonahala ka lebaka la bolelele le makala a sona a mangata.
12 Empa se ile sa fotholwa+ ka bohale sa lahlelwa fatsheYaba moya o hlahang ka botjhabela o etsa hore ditholwana tsa sona di omelle.
Makala a sona a matla a ile a rojwa, a omella+ a ba a tjha.+
13 Hona jwale se lenngwe naheng e omeletsengE se nang metsi.+
14 Mollo o ile wa tjhesa makala, dithunthung le ditholwana tsa sona.
Ha ho na lekala le tiileng le ileng la sala mme le lere la borena ha le a ka la eba teng.’+
Ena ke yona pina ya kodiyamalla mme e tla dula e le kodiyamalla.”
Dintlha tse qetellong ya sehloho
^ Kapa: “pina e binwang ka lebaka la ho utlwa bohloko.”
^ Ka Seheberu: “sefate sa morara mading a hao.”
^ Kapa: “Melamu.”
