Habakuke 1:1-17
1 Nna moprofeta Habakuke* ke ile ka utlwa molaetsa ponong yaba ke re:
2 “Ao hle Jehova! Ke tla kopa thuso ho fihlela neng empa o sa nkutlwe?+
Ke o kope thuso ho fihlela neng hore o mpholose ho batho ba dikgoka?+
3 Ke hobaneng ha o etsa hore ke bone dintho tse fosahetseng?
Ke hobaneng ha o dumella batho ho hatella ba bang?
Ke hobaneng ha ke dula ke bona dintwa le batho ba tlatlapuwang?
Hape ke hobaneng ha ho ena le diqabang le dikgohlano?
4 Molao o feletswe ke matla,Ha ho mohla toka e phethwang.
Ka ha batho ba kgopo ba hatella ba lokileng,Toka ha e sa le yo.”+
5 “Shebang ditjhaba le bone hore na ho etsahalang,Le di shebe mme le tla makala.
Mehleng ya lona ho tla etsahala nthoEo le ke keng la e kgolwa le ha le ka e bolellwa.+
6 Ke tla tlisa Bakalde,+Setjhaba sa batho ba sehloho le ba bohale.Ba tsamaya hohle lefatshengE le hore ba hape dinaha tsa batho ba bang.+
7 Ba a tshosa, batho ba a ba tshaba.Ba iketsetsa melao ya bona ebile ba inka ba le matla.*+
8 Dipere tsa bona di lebelo ho feta mangau,Di bohale ho feta diphiri bosiu.+Dipere tsa bona tsa ntwa di a matha,Dipere tsa bona di tswa hole haholo.
Ba fofa sa ntsu e potlaketseng ho ja.+
9 Kaofela ba tletse moya wa ntwa.+
Mabotho a bona a futuha jwalo ka moya wa botjhabela+Le batshwaruwa ba bona ba bongata ba lehlabathe.
10 Ba soma marena,Diofisiri tse kgolo tsona ha ba di bone.+
Ba halala metse e sireleditsweng ka thata,+Ba etsa diqubu e le hore ba kene ebe ba hapa metse eo.
11 Ba futuha jwalo ka moya ebe ba a fetaEmpa ba tla nkwa ba le molato+Hobane ba nka hore matla a bona a tswa ho modimo wa bona.”*+
12 Jehova, esale o le teng.+
Modimo wa ka, Mohalaledi wa ka, ha o shwe.*+
Jehova, o ba kgethile hore ba phethe dikahlolo tsa hao.
Wena Lefika la ka,+ o ba kgethile hore ba re kgalemele.+
13 O hlwekile haholo hore o ka bona dintho tse fosahetsengEbile ha o kgone ho mamella bokgopo.+
Jwale ke hobaneng ha o mameletse balotsana?+
Ke hobaneng ha o sa re letho ha ya kgopo a hatella motho ya lokileng?+
14 Ke hobaneng ha o tlohela batho hore ba tshwarwe jwalo ka ditlhapi,Jwalo ka dihahabi tse se nang morena?
15 Kaofela ha tsona ba di tshwasitse ka huku e tshwasang ditlhapi.*
Ba di tshwasa ka letlowa la bonaEbe ba di bokella ka hara lona.
Ke ka hoo ba thabileng.*+
16 Jwale ba etsetsa letlowa la bona mahlabeloBa bile ba le etsetsa dinyehelo.
Dijo tsa bona di mafura ka lebaka la lonaEbile di na le phepo.
17 Ke hobaneng ha o ba dumella hore ba dule ba ahlamisitse letlowa* la bona?*
Ke hobaneng ha o ba dumella hore ba nne ba fedise ditjhaba ba se na mohau?+
Dintlha tse qetellong ya sehloho
^ Mohlomong e bolela “Ho Shakarela” kapa “Ho Haka.”
^ Kapa: “hlompheha.”
^ Kapa mohlomong: “matla a bona ke modimo wa bona.”
^ Kapa mohlomong: “re ke ke ra shwa.”
^ Kapa: “selope.”
^ E leng Bakalde.
^ Ke nete e tshwasang ditlhapi.
^ Kapa mohlomong: “ba ntshe disabole tsa bona dilateng?”
