Hosea 12:1-14
12 “Efraime o tshepile ntho e se nang thuso.*
O qeta letsatsi lohle a lelekisa moya wa botjhabela.
O rata leshano le ntwa haholo.
O etsa selekane le Asiria+ mme o romela oli Egepeta.+
2 Jehova o na le nyewe le Juda.+
O tla fa Jakobo kotlo ka lebaka la diketso tsa hae,A mo putse ho ya ka mesebetsi ya hae.+
3 Ha a le ka popelong o ile a tshwara ngwanabo ka serethe,+A lwantsha Modimo ka matla ohle a hae.+
4 A nna a lwana le lengeloi mme a hlola.
A lla, a kopa hore le mo hauhele.”+
Modimo a mo fumana Bethele yaba o bua le rona moo.+
5 Jehova Modimo wa mabotho,+Jehova ke lebitso leo a hopolwang ka lona.+
6 “Kgutlela ho Modimo wa hao,+Dula o ena le lerato* le toka.+
O tshepe Modimo wa hao ka dinako tsohle.
7 Rakgwebo o sebedisa dikala tse sa tshepahaleng.
O rata ho qhekella.+
8 Efraime o ntse a re, ‘Ke ruile.+
Ke fumane maruo.+
Mosebetsing wohle wa ka o boima, ba ke ke ba fumana letho le phoso kapa sebe.’
9 Nna Jehova haesale ke le Modimo wa hao ho tloha ha o le naheng ya Egepeta.+
Ke tla etsa hore o dule ditenteng hapeJwalo ka dinakong tseo ho nang le mokete.
10 Ke ile ka bua le baprofeta,+Ka eketsa dipono tsa bonaKa ba ka etsa dipapiso ke sebedisa baprofeta.
11 Ho na le bolotsana* le mashano Gileade.+
Ba entse mahlabelo a dipoho Gilgale.+
Dialetare tsa bona di tshwana le diqubu tsa majwe diforong tsa masimo.+
12 Jakobo o ile a balehela naheng* ya Arame.*+
Iseraele+ a sebetsa mooA hlokomela dinku+ hore a fumane mosadi.+
13 Jehova o ntshitse Iseraele Egepeta a sebedisa moprofeta+A ba a mo hlokomela a sebedisa moprofeta.+
14 Efraime o nkgalefisitse haholo.+O tla dula a le molato ka lebaka la ho bolaya.
Morena wa hae o tla mo fa kotlo ka lebaka la ho mo nyefola.”+
Dintlha tse qetellong ya sehloho
^ Ka Seheberu: “Efraime o ja moya.”
^ Kapa: “dintho tse sa tlwaelehang; boselamose.”
^ Kapa: “Siria.”
^ Ka Seheberu: “tshimong.”