Hosea 5:1-15
-
Efraime le Juda di a ahlolwa (1-15)
5 “Utlwang lona baprista,+Mamelang lona setjhaba sa Iseraele,Le mamele lona ba ntlo ya morenaHobane kahlolo ena e ama lona.
Le leraba ho MizpaEbile le letlowa le adilweng hodima Tabore.+
2 Marabele* a kene tlwara! diketsong tsa ho bolayaMme ke a lemosa* kaofela.
3 Ke tseba Efraime,Baiseraele ba ke ke ba ipatela nna.
Wena Efraime, o entse botekatse.*
Baiseraele ba itshilafaditse.+
4 Diketso tsa bona ha di ba dumelle ho kgutlela ho Modimo wa bonaHobane ba rata botekatse*+Ebile ha ba tsotelle Jehova.
5 Boikgohomoso ba Iseraele bo fane ka bopaki ba hore o kgopo.+
Baiseraele le Baefraime ba kgopilwe ka lebaka la phoso ya bonaBajuda le bona ba kgopilwe.+
6 Ba ile ba nka dinku le dikgomo tsa bona ho ya etsetsa Jehova sehlabelo ka tsona hore a ba hauheleEmpa ha a ka a ba hauhela.
O ne a suthetse hole le bona.+
7 Ba fetohetse Jehova+Hobane ba tswaletswe bana ke basadi ba baditjhaba.*
Ba tla fediswa ka kgwedi e le nngwe ha mmoho le masimo* a bona.
8 Letsang lenaka+ Gibea le terompeta Rama.+
Etsang modumo wa ntwa Bethe-avene,+ wena Benjamine etella pele.
9 Efraime, o tla ba ntho e tshosang mohlang o fumanang kotlo.+
Ke boleletse maloko a Iseraele se tla etsahala.
10 Dikgosana tsa Juda di bolotsana jwalo ka batho ba tjhetjhisang moedi.+
Ke tla ba halefela haholo jwalo ka ha eka ke qhalla metsi hodima bona.
11 Efraime o hateletswe, o silakantswe ka tokaHobane o ne a ikemiseditse ho sala dira tsa hae morao.+
12 Ke ne ke le jwalo ka tshwele* ho Efraime,Ke tshwana le ntho e bodileng ho batho ba Juda.
13 Ha Efraime a bona bolwetse ba hae le Juda a bona seso sa hae,Efraime a ya Asiria+ mme a romela baromuwa ho morena e moholo.
Empa morena eo ha a ka a kgona ho le fodisaKapa ho phekola seso sa lona.
14 Ke tla ba jwalo ka tawana ho Efraime,Ke be jwalo ka tau e matla ho batho ba Juda.
Ke tla ba kgaola dikoto ebe ke a tsamaya.+Ke tla ba nka mme ha ho na ya tla ba pholosa.+
15 Ke tla tsamaya ke kgutlele sebakeng sa ka ho fihlela ba fumana ditlamorao tsa molato wa bona.
Ka nako eo, ba tla batla hore ke ba hauhele.*+
Ha ba le mathateng, ba tla batla thuso ya ka.”+
Dintlha tse qetellong ya sehloho
^ Kapa: “Ba kgelohang.”
^ Kapa: “kgalemela.”
^ Kapa: “boitshwaro bo bobe ba thobalano; o ithekisitse.”
^ Kapa: “boitshwaro bo bobe ba thobalano.”
^ Kapa: “dikabelo.”
^ Ka Seheberu: “bara ba baditjhaba.”
^ Kapa: “mmoto.”
^ Ka Seheberu: “batla sefahleho sa ka.”
