Hosea 8:1-14
8 “Letsa lenaka.+
Ho na le sera se tlang jwalo ka ntsu ho tla hlasela batho* ba Jehova+Hobane ba fetohetse selekane sa ka+ ebile ba tlotse molao wa ka.+
2 Ba hweletsa ho nna ba re, ‘Modimo wa rona, rona Baiseraele re a o tseba.’+
3 Baiseraele ba lahlile se molemo.+
Sera se ke se ba lelekise.
4 Ba ipehetse marena ba sa mpotsa.
Ba ikgethela dikgosana ke sa ba dumella.
Ba iketseditse medimo ya ditshwantsho ka silevera le kgauta ya bona+Ka hoo, ba tla fediswa.+
5 Samaria, ke lahlile setshwantsho sa namane seo o neng o se rapela.+
Ke o halefetse haholo.+
O tla hloleha ho itlhwekisa ho fihlela neng?
6 Namane ena e tswa Iseraele.
E entswe ke setsebi sa mosebetsi wa matsoho mme ha se Modimo.
Namane ya Samaria e tla silakanngwa.
7 Ba etsa dintho tse mpe e leng se tshwanang le ho jala moya.
Ba tla kotula moya wa sefefo.+
Ha ho na lehlaka le hlahisang koro e butswitseng.+
Ntho le ha e le e fe e melang ha e hlahise phofo.
Haeba e e hlahisa, baditjhaba ba tla e fedisa.+
8 Baiseraele ba tla fediswa.+
Ba tla ba hara ditjhaba+Jwalo ka sejana se sa batlweng.
9 Ba ile Asiria+ jwalo ka tonki e hlaha e itsamaelang e le nngwe.
Efraime o hirile matekatse.+
10 Le hoja ba a hira hara ditjhaba,Ke tla ba phutha.
Ba tla sotleha+ ka lebaka la morwalo oo ba o filweng ke morena le dikgosana.
11 Baefraime ba ekeditse dialetare e le hore ba etse sebe.+
Di fetohile dialetare tseo ba di sebedisetsang ho etsa sebe.+
12 Ke ile ka ba ngolla melao* e mengataEmpa ba ile ba e nka e le ntho e sa tlwaelehang.+
13 Ba nketsetsa dimpho tsa mahlabelo ebile ba ja namaEmpa nna Jehova ha ke a thabele.+
Ke tla hopola phoso ya bona mme ke ba fe kotlo ka lebaka la dibe tsa bona.+
Ba kgutletse* Egepeta.+
14 Iseraele o lebetse Moetsi wa hae+ mme o hahile ditempele.+
Juda o ekeditse metse e sireleditsweng ka thata.+
Empa ke tla tlisa mollo metseng ya haeMme o tla tjhesa ditora tsa metse eo.”+
Dintlha tse qetellong ya sehloho
^ Kapa: “tempele.”
^ Kapa: “ditaelo.”
^ Kapa mohlomong: “Ba tla kgutlela.”
