Jeremia 47:1-7
-
Boprofeta bo mabapi le Bafilista (1-7)
47 Jehova o ile a bua le moprofeta Jeremia ka Bafilista+ pele Faro a hlasela Gaza.
2 Jehova a re:
“Bonang! Metsi a tla a tswa leboya.
A tla tla ka sekgahla se kang sa sekgohola.
A tla kwahela naha le ntho e nngwe le e nngwe e ho yona,Motse le baahi ba wona.
Banna ba tla bokolla,Bohle ba dulang naheng ba tla hlaba seboko.
3 Ha ho utlwahala modumo wa ditlhako tsa dipere tse matla tsa ba direngLe wa dikariki tsa bona tsa ntwaMme ho utlwahala modumo wa mabidi a tsona,Bontate ba ke ke ba kgutlela ho tla pholosa bara ba bonaKa ha ba tla be ba thothomela ke letswalo.*
4 Ho tla fihla letsatsi la hore Bafilista bohle ba fediswe.+
Bohle ba neng ba thusa Tire+ le Sidone+ ba tla fediswa.
Jehova o tla fedisa BafilistaBa setseng sehlekehlekeng sa Kaftore.*+
5 Gaza e tla phumoha lefatla.*
Ashkelone e ripitlilwe.+
Lona ba setseng ba phula ya bona,Le tla intsha kotsi* ho fihlela neng?+
6 Wena sabole ya Jehova,+o tla kgutsa neng?
Kgutlela selateng sa hao.
Iphomolele mme o kgutse.
7 E ka kgutsa jwangJehova a e file taelo?
O e laetse hore e lwantsheAshkelone le lebopo la lewatle.”+
Dintlha tse qetellong ya sehloho
^ Kapa: “matsoho a bona a tla tepella.”
^ E leng Kreta.
^ E leng hore batho ba Gaza ba tla beola dihlooho hobane ba siame ba bile ba swabile.
^ Kapa: “itsheha.”
