Jeremia 6:1-30
6 Itshireletseng, lona bana ba Benjamine, balehang Jerusalema.
Letsang lenaka+ Tekowa.+
Besang mollo e le letshwao Bethe-hakeremeHobane ho na le tlokotsi e tlang e tswa leboya, tlokotsi e kgolo.+
2 Moradi wa Sione* o tshwana le mosadi e motle ya phelang ha monate.+
3 Badisa ba tla tla le mehlape ya bona.
Ba tla hloma ditente ho mo potapota ka hohle,+E mong le e mong a fudise mohlape oo a o hlokomelang.+
4 “Itokisetseng ho mo lwantsha,Emang, re mo hlaseleng hara mpa ya motshehare.”
“Re madimabe hobane letsatsi le ntse le sekamaLe meriti e hlahlamela dithaba.”
5 “Emang, re mo hlaseleng bosiuRe senye ditora tsa hae tse tiisitsweng ka thata.”+
6 Etswe Jehova wa mabotho o re:
“Remang difate mme le etse qubu e thibellang Jerusalema.+
Ke motse o lokelang ho ahlolwa.
Ka hara wona ha ho letho haese kgatello.+
7 Jwalo ka ha sediba e le mohlodi wa metsi a phodileng,Motse ona le wona ke mohlodi wa bokgopo.
Ho wona ho utlwahala ntwa le timetso.+
Ke dula ke bona bolwetse le kotlo.
8 Mamela wena Jerusalema esere ka o furalla ke lekehile.+
Ke tla o ripitla, ke o etse naha e se nang baahi.”+
9 Jehova wa mabotho o re:
“Ba tla bokella Baiseraele ba setseng hantle feela jwalo ka ha ho bokellwa morara wa ho qetela sefateng.
Ba bokelle hape jwalo ka ya kgang morara sefateng.”
10 “Ke tla bua le bomang mme ke ba lemose?
Ke mang ya tla mamela?
Ditsebe tsa bona di thibane* hoo ba sa kgoneng ho utlwa.+Lentswe la Jehova le fetohile ntho eo ba e nyefolang,+Ha ba le rate.
11 Ke tletse kgalefo ya Jehova.
Ke kgathetse ke ho e mamella.”+
“E tsebise ngwana ya seterateng+Le dihlopha tsa bahlankana ba bokaneng mmoho.
Etswe ba tla haptjwa kaofela, monna ha mmoho le mosadi wa hae,Bannabaholo ha mmoho le ba seng ba kgokgoba.*+
12 Matlo a bona a tla nehwa batho ba bangHa mmoho le masimo le basadi ba bona.+
Ke tla phahamisa letsoho ke otle baahi ba naha,” ke Jehova ya tjhong.
13 “Ho tloha ho mofutsana ho ya ho morui, e mong le e mong o ithuisa ka bolotsana.+
Ho tloha ho moprofeta ho ya ho moprista, kaofela ba etsa bobodu.+
14 Ba leka ho fodisa setjhaba sa ka se sithabetseng ka hore feela ba re:
‘Kgotso e teng! Kgotso e teng!’
Empa kgotso e le siyo.+
15 Na batho ba ka ba swabetse dintho tse nyonyehang tseo ba di entseng?
Ha ba swabe ho hang!
Ha ba tsebe le hore na ho swaba ke ntho e jwang.+
Ka hona, ba tla wela hara ba weleng.
Ha ke ba otla ba tla kgothometseha,” ke Jehova ya tjhong.
16 Jehova o re:
“Emang mateanong a ditsela mme le bone.
Le botse ka ditsela tsa kgale,Botsang hore na tsela e nepahetseng ke efe mme le tsamaye ho yona,+Le iphumanele phomolo.”
Empa ba re: “Re ke ke ra tsamaya ho yona.”+
17 “Ke kgethile balebedi+ ba ileng ba re:
‘Mamelang modumo wa lenaka!’”+
Empa ba re: “Re ke ke ra mamela.”+
18 “Ka hona utlwang, lona ditjhaba.
Lona phutheho, tsebangHore na ho tla etsahalang ka batho ba Jerusalema.
19 Mamela, wena lefatshe.
Ke tlisa tlokotsi hodima batho bana+E le ditlamorao tsa merero ya bonaHobane ha ba a mamela mantswe a kaEbile ba hanne molao* wa ka.”
20 “Ha ke tsotelle le haeba le tlisa dibano tse tshweu tse tswang ShebaLe lehlaka* le tswang naheng e hole.
Dinyehelo tsa lona tsa setjheso ha di amoheleheLe mahlabelo a lona ha a nkgahle.”+
21 Ka hoo Jehova o re:
“Ke behela batho bana dintho tse tla ba kgopa,Di tla ba diha,Bontate le bara,Moahisani le motswalle wa hae.
Kaofela ba tla timela.”+
22 Jehova o re:
“Batho ke bao ba tswa naheng ya leboya,Batho ba matla ba tla hlaha dikarolong tse hole ka ho fetisisa tsa lefatshe.+
23 Ba tla tshwara seqha le lerumo.
Ba sehloho mme ba ke ke ba eba le mohau.
Mantswe a bona a tla duma jwalo ka lewatleEbile ba palama dipere.+
Ba itokisetsa ho o lwantsha ba ikentse ngatananngwe, wena moradi wa Sione.”
24 Re utlwile tlaleho e mabapi le bona.
Re feletswe ke matla.*+
Re aparetswe ke mathata,Re utlwile bohloko bo kang ba mosadi ya pepang.+
25 O se ke wa tswela tshimong.
Hape o se ke wa tsamaya tselengHobane sera se nkile sabole,Hohle batho ba tshohile haholo.
26 Wena moradi wa setjhaba sa ka,Apara lesela le hwashang*+ o ipitike moloreng.
Lla jwalo ka ha eka o llela mora ya mong, o bokolle haholo+Hobane sera se fedisang se tla re futuhela ka tshohanyetso.+
27 “Ke o* entse mohlahlobi wa tshepe hara batho ba ka,Ya batlisisang.
O lokela ho ela hloko mme o hlahlobe diketso tsa bona.
28 Kaofela ha bona ke batho ba manganga,+Ba tsamaya hohle ba ntse ba etselletsa batho ba bang.+
Ba tshwana le koporo le tshepe,Kaofela ha bona ba tletse bobodu.
29 Mosebetsi o sebeditse ka thata ho hlwekisa tshepe,Hoo le disebediswa tsa hae di tjheleng.
Empa ha ho na thuso hobane ho itswela loto feela mollong.+
Batho ba kgopo ha ba a tloswa setjhabeng.+
30 Ruri batho ba tla ba bitsa silevera e lahlilwengHobane Jehova o ba lahlile.”+
Dintlha tse qetellong ya sehloho
^ Kapa: “Motse wa Sione.”
^ Ka Seheberu: “Ditsebe tsa bona ha di a bolla.”
^ Ka Seheberu: “ba atetsweng ke matsatsi.”
^ Kapa: “taelo.”
^ Lehlaka le nkgang ha monate.
^ Kapa: “Matsoho a rona a a tepella.”
^ E leng Jeremia.
