Jobo 11:1-20
11 Tsofare+ wa Monaama a re:
2 “Na mantswe aa ha ho na motho ya tla a araba,Kapa na ho bua haholo ho etsa hore motho ebe ya lokileng?*
3 Na mantswe a hao a se nang thuso a tla etsa hore batho ba thole?
Na ha ho na motho ya tla o kgalemella mantswe aa a hao a somang?+
4 Ka ha o re, ‘Thuto ya ka e nepahetse+Hape Modimo o bona ke hlwekile.’+
5 Empa haeba Modimo a ne a ka phahamisa molomo wa haeYaba o bua le wena,+
6 O ne a tla o bolella makunutu a ho ba bohlale,Hobane bohlale ba nnete bo tla o ruta dintho tse ngata.
Ka mora moo, o tla hlokomela hore Modimo o kgetha ho lebala tse ding tsa diphoso tsa hao.
7 Na o ka tseba dintho tse tebileng tsa ModimoKapa na o ka utlwisisa dintho tsohle ka* Ya Matla Ohle?
8 Bohlale ba hae bo phahame ho feta mahodimo, o ka bo finyella jwang?
Bo tebile ho feta Lebitla,* o ka tseba eng ka bona?
9 Bo bolelele ho feta lefatsheMme bo sephara ho feta lewatle.
10 Haeba Modimo a tshwara motho mme a mo isa kgotla,Ke mang ya ka mo thibang?
11 O tseba batho ba bolotsana.
Na ha a hlokomele ha dintho tse mpe di etsahala?
12 Motho ya se nang kelello o tla utlwisisaMohla tonki e hlaha e ka tswalang motho.*
13 Haeba feela o ka lokisa pelo ya haoMme wa otlollela matsoho a hao ho yena,
14 Haeba letsoho la hao le etsa se sebe, o le behelle hole le wenaMme o se ke wa dumella dintho tse sa lokang ka ditenteng tsa hao.
15 Ka nako eo, o tla phahamisa hlooho ya hao o sa hlajwe ke dihlong,O tla ema o tiile o sa tshabe letho.
16 Ka nako eo o tla lebala mathata a hao,O tla a hopola jwalo ka ha eka ke metsi a ileng a feta pela hao.
17 Bophelo ba hao bo tla kganya ho feta kganya ya motshehare,Le lefifi la bona le be jwalo ka ha eka ke hoseng.
18 O tla ba sebete hobane ho tla be ho ena le tshepo,O tla qamaka mme o robale o sireletsehile.
19 O tla robala ho se na motho ya o tshosang,Mme o tla ratwa ke batho ba bangata.
20 Empa ba kgopo ba tla foufala,Mme ha ho na moo ba tla balehela teng,Tshepo ya bona e tla ba lefu.”+
Dintlha tse qetellong ya sehloho
^ Kapa: “na moithorisi e ba ya lokileng.”
^ Kapa: “o ka fumana pheletso ya.”
^ Kapa: “mohla tonki ya naheng e ka tswalwang e le motho.”
