Jobo 14:1-22
14 Motho ya tswetsweng ke mosadiO phela nako e kgutshwanyane+ mme bophelo ba hae bo tletse mathata.*+
2 O hlaha jwalo ka palesa e be o a pona,*+O baleha jwalo ka moriti e be o a nyamela.+
3 O dula o mo shebile
Ebe o ya nyeweng le yena.*+
4 Na motho ya nang le sebe a ka tswala motho ya se nang sebe?*+Tjhe!
5 Haeba matsatsi a hae a etseditswe qeto,Palo ya dikgwedi tsa hae e ho wena,O mo lekanyeditse nako mme a ke ke a e feta.+
6 Kgaotsa ho mo sheba e le hore a ka phomola,Ho fihlela a qeta mosebetsi wa hae jwalo ka motho ya hirilweng.+
7 Le sefate se na le tshepo,Haeba se ka kgaolwa, se tla hola hapeLe makala a sona a tla hola.
8 Haeba methapo ya sona e tsofalla ka tlasa mobuLe kutu ya sona e shwella mobung,
9 Ha se utlwa monko wa metsi se tla hlomela,Se hlahise makala jwalo ka semela se setjha.
10 Empa motho o a shwa mme matla a hae a a fela,Ha motho a shwa o ya hokae?+
11 Metsi a nyamela lewatlengMme noka e a psha e be e omelle.
12 Hape motho o a robala ebe ha a tsohe.+
A ke ke a tsoha ho fihlela mahodimo a le siyoEbile a ke ke a tsoswa borokong.+
13 Ekare o ka mpata Lebitleng,*+Wa mpata ho fihlela bohale ba hao bo feta,Wa mpehela nako ebe o a nkgopola.+
14 Ha motho a shwa, na a ka phela hape?+
Ke tla leta ho fihlela matsatsi a bokgoba ba ka a fela,Ho fihlela ke lokoloha.+
15 O tla mpitsa mme ke tla o araba.+
O tla hopola* mosebetsi wa matsoho a hao.
16 Empa hona jwale o ntse o bala mehato ya ka,O shebile dibe tsa ka feela.
17 Phoso ya ka e kwalletswe ka mokotleng,O kwetse sebe sa ka ka sekgomaretsi.
18 Feela jwalo ka ha thaba e wa mme e nyamelaLe lefika le tloswa sebakeng sa lona.
19 Feela jwalo ka ha metsi a fata majweLe dinokana tsa ona di hohola mobu,O fedisitse tshepo ya motho ka tsela e tshwanang.
20 O mo hlola ka matla ho fihlela a shwa,+O fetola tsela eo a shebahalang ka yona ebe o mo isa lebitleng.
21 Bana ba hae ba a hlomphuwa empa ha a tsebeLe ha ba se ba kgellwa fatshe, ha a hlokomele.+
22 O utlwa bohloko ha feela a ntse a phelaEbile o lla ha feela a ntse a phela.”
Dintlha tse qetellong ya sehloho
^ Kapa: “o kgotshe matshwenyeho.”
^ Kapa mohlomong: “o a kgaolwa.”
^ Ka Seheberu: “nna.”
^ Ka Seheberu: “Na motho ya sa hlwekang a ka tswala motho ya hlwekileng.”
^ Kapa: “hlolohelwa.”
