Jobo 2:1-13
2 Ha boela ha tla letsatsi la hore bara ba Modimo wa nnete*+ ba tle ka pela Jehova+ yaba Satane o kena le bona ho tla ema ka pela Jehova.+
2 Jehova a re ho Satane: “O tswa hokae?” Satane a araba Jehova a re: “Ke tswa solla lefatsheng le ho tsamaya ho lona.”+
3 Jehova a boela a re ho Satane: “Na o hlokometse* hore ha ho motho ya tshwanang le mohlanka wa ka Jobo? Ke monna ya lokileng le ya tshepahalang,+ o tshaba Modimo ebile o hloile dintho tse mpe. O ntse a tshepahala+ le hoja wena o batla hore ke senye bophelo ba hae+ ntle ho lebaka.”
4 Satane a araba Jehova a re: “Letlalo bakeng sa letlalo. Motho o tla fana ka ntho e nngwe le e nngwe eo a nang le yona hore a pholose bophelo ba hae.
5 Ako mo utlwise bohloko hanngwe feela mmeleng o tle o bone hore o tlo o rohaka sefahlamahlo.”+
6 Jehova a re ho Satane: “Etsa ntho e nngwe le e nngwe eo o e batlang ka yena empa o se ke wa mo bolaya.”
7 Satane a tloha ka pela* Jehova mme a otla Jobo ka mathopa a bohloko,*+ ho tloha bohareng ba hlooho ho ya bohatong ba leoto.
8 Jobo a nka leqhetso la sejana se pshatlehileng sa letsopa mme a ingwaya ka lona ha a ntse a dutse moloreng.+
9 Qetellong mosadi wa Jobo a re ho yena: “Na ho a hlokahala hore o nne o tshepahale? Rohaka Modimo mme o shwe!”
10 Empa Jobo a re ho yena: “O bua jwalo ka basadi ba se nang kelello. Na re lokela ho amohela dintho tse ntle feela ho tswa ho Modimo mme re se ke ra amohela le tse mpe?”+ Ho sa tsotellehe dintho tsohle tse ileng tsa mo etsahalla, Jobo ha a ka a bua ntho le ha e le efe e mpe.*+
11 Metswalle* e meraro ya Jobo e ile ya utlwela ka mathata a mo hlahetseng yaba e tloha moo e dulang hore e yo mo bona. E ne e le Elifaze+ wa Motemane, Bildade+ wa Moshuha+ le Tsofare+ wa Monaama. Ba dumellana hore ba kopane hore ba yo tshedisa Jobo le ho mo kgothatsa.
12 Ha ba mo bona ba sa le holenyana, ba ne ba sa hlokomele hore ke yena. Ba lla haholo, ba tabola diaparo tsa bona, ba hasanya mobu moyeng ba o tshela le dihloohong tsa bona.+
13 Ba dula fatshe le yena ka matsatsi a supileng le masiu a supileng. Ha ba a ka ba re letho ho yena ka ha ba ne ba bona hore o opelwa haholo.+
Dintlha tse qetellong ya sehloho
^ Maele a Seheberu a bolelang bara ba Modimo ba mangeloi.
^ Ka Seheberu: “behile pelo ya hao ho.”
^ Ka Seheberu: “pela sefahleho sa.”
^ Kapa: “diso tse bohloko.”
^ Ka Seheberu: “ha a ka a etsa sebe ka molomo wa hae.”
^ Kapa: “batho bao a ba tlwaetseng.”
