Jobo 22:1-30
22 Elifaze+ wa Motemane a re:
2 “Na motho o na le molemo ho Modimo?
Na motho le ha e le ofe ya bohlale a ka mo tswela molemo?+
3 Na Ya Matla Ohle o na le taba* hore na o lokileKapa na ho na le molemo oo a o fumanang haeba o tshepahala?+
4 Na ke ka lebaka la hore o a mo hlompha a ka o fang kotloLe ho o isa kgotla?
5 Na ha se ka lebaka la diketso tsa hao tse mpeLe diphoso tsa hao tse sa feleng?+
6 O nka dintho ho bana beno e le tebeletso ntle ho lebakaEbile o nkela batho diaparo tsa bona mme o ba siya ba hlobotse.*+
7 Ha o fe motho ya kgathetseng metsi hore a nweEbile o tima ya lapileng dijo.+
8 Naha ke ya motho ya matla+Mme ya ratwang o dula ho yona.
9 Empa bahlolohadi ba tlohile ho wena o sa ba fa lethoMme o utlwisitse dikgutsana* bohloko.
10 Ke ka lebaka leo o potapotilweng ke maraba*+Ebile o tshoswa ke koduwa ya tshohanyetso.
11 Ke ka lebaka leo ho leng lefifi hoo o sa bonengLe morwallo wa metsi o a o kwahela.
12 Na Modimo ha a hodimo lehodimong?
Bona hore na dinaledi tsohle di hodimo hakaakang!
13 Empa o itse: ‘Modimo o tsebang?
Na a ka ahlola lefifing le letsholetsho?
14 Maru a a mo sira e le hore a se ke a bonaHa a ntse a tsamaya lehodimong.’*
15 Na o tla nne o latele ditsela tsa kgaleTseo batho ba kgopo ba tsamaileng ho tsona,
16 Batho ba ileng ba shwa ba sa le batjha*Bao motheo wa bona o ileng wa hoholwa ke morwallo?*+
17 Ba ne ba re ho Modimo wa nnete: ‘Kgaohana le rona!’
Ba bile ba re, ‘Ya Matla Ohle o re etsang?’
18 Le ha ho le jwalo, Modimo ke yena ya tlatsitseng dintho tse molemo ka matlung a bona.(Monahano o kgopo jwalo ha o yo ho nna.)
19 Batho ba lokileng ba tla bona sena mme ba thabe,Ba se nang molato ba tla ba soma ba re:
20 ‘Bahanyetsi ba rona ba fedisitswe,Mollo o tla tjhesa dintho tsa bona tse setseng.’
21 Mo tsebe mme o tla ba le kgotso,O tla fumana dintho tse ntle.
22 Amohela molao o tswang ho yena,O boloke dipolelo tsa hae ka pelong ya hao.+
23 Haeba o kgutlela ho Ya Matla Ohle, o tla boela o atlehe,+Haeba o tlosa diketso tse sa lokang tenteng ya hao
24 Haeba o ka lahlela kgauta ya hao lerolengLe kgauta ya Ofire+ dikgohlong* tse majwe,
25 Ya Matla Ohle e tla ba kgauta ya hao,E tla ba silevera ya hao e ntle ka ho fetisisa.
26 Hape o tla thaba ka lebaka la Ya Matla Ohle,O tla atamela ho Modimo ka sebete.*
27 O tla mo kopa ka tiyo mme o tla o mamela.Wena o tla phetha boitlamo ba hao.
28 Dintho tsohle tseo o di etsang di tla atlehaLe ditsela tsa hao di tla kganya.
29 O tla tlotlollwa ha o ikgohomosaEmpa Modimo o tla pholosa batho ba ikokobeditseng.
30 O tla pholosa batho ba se nang molato.Ka hoo, haeba matsoho a hao a hlwekile, jwang kapa jwang o tla pholoswa.”
Dintlha tse qetellong ya sehloho
^ Kapa: “Na ya Matla Ohle o a thaba.”
^ Ka Seheberu: “o nka diaparo tsa batho ba hlobotseng.”
^ Ka Seheberu: “bana ba se nang bontate.”
^ Ka Seheberu: “difi tsa dinonyana.”
^ Ka Seheberu: “sedikadikweng sa lehodimo.”
^ Kapa: “bao bophelo ba bona bo ileng ba kgutsufatswa.”
^ Ka Seheberu: “noka.”
^ Kapa: “diphuleng.”
^ Ka Seheberu: “O tla phahamisa sefahleho sa hao.”
