Jobo 31:1-40
31 Ke entse selekane le mahlo a ka+Hore nke ke ka sheba mosadi* e mong ka tsela e sa lokang.+
2 Ke tla fumanang ho tswa ho Modimo ya hodimo?
Ke lefa lefe leo Ya Matla Ohle ya sebakeng se phahameng a tla mpha lona?
3 Na motho ya etsang dintho tse mpe ha a emelwa ke koduwaLe motho ya etsang dintho tse kotsi ha a emelwa ke tlokotsi?+
4 Na Modimo ha a bone ditsela tsa ka+Le ho bala mehato yohle ya ka?
5 Na nkile ka bua leshano?*
Na ho na le motho eo nkileng ka mo thetsa?+
6 Modimo a ke a nkale ka sekala sa nnete+Mme o tla bona hore ke a tshepahala.+
7 Haeba mehato ya ka e kgeloha tsela+Kapa pelo ya ka e latetse mahlo a ka+Kapa matsoho a ka a sa hlweka,
8 Dijo tseo ke di jalang di ke di jewe ke motho e mong+Le dintho tseo ke di lemang di fotholwe.*
9 Haeba nkile ka kgahlwa ke mosadi e mong+Mme ka ema+ monyako wa moahisani wa ka ke emetse mosadi wa hae,
10 Mosadi wa ka a ke a silele monna e mong koro*Mme banna ba bang ba robale le yena.*+
11 E ne e tla ba ke entse ntho e hlabisang dihlong.
Baahlodi ba ne ba tla lokela ho mpha kotlo ka lebaka la phoso eo.+
12 Ntho eo ke e entseng e ne e tla ba jwalo ka mollo, e tjhese+Le ho fedisa dintho tsohle tseo ke nang le tsona.
13 Haeba ke sa mameleHa basebeletsi ba ka ba banna le ba basadi ba tletleba* ka nna,
14 Ke tla reng ha Modimo a mpotsa?*
Ke tla mo araba jwang ha a re ke ikarabelle ka ntho eo ke e entseng?+
15 Na ha se Modimo ya entseng nna le bona ka popelong?+
Na ha se yena ya re bopileng pele re tswalwa?*+
16 Haeba ke ne ke hana ho fa bafutsana dintho tseo ba di hlokang+Kapa ke utlwisa mohlolohadi bohloko+
17 Haeba ke ne ke ja ke le mong,Ke sa fe dikgutsana letho,+
18 (Ke hodisitse dikgutsana ho tloha botjheng ba ka jwalo ka ha eka ke ntate wa tsonaHape haesale ke thusa bahlolohadi ho tloha bongwaneng ba ka.)*
19 Haeba ke bona motho a bolawa ke serame hobane a se na diaparoKapa ke bona mofutsana a se na ntho eo a ka e aparang,+
20 Haeba ke sa mo fa boya ba dinku tsa kaE le hore a ka iphuthumatsa ebe o a nteboha,*+
21 Haeba ke ile ka tshosa dikgutsana ka hore ke tla di otla+Ha di ne di hloka thuso ya ka keiting ya motse,*+
22 Letsoho la ka le ke le tswe lehetleng mme le wele fatsheHape le ke le robehe setsweng.
23 Ke ne ke tshaba koduwa e tswang ho ModimoEbile ke sa kgone ho ema ka pela kganya ya hae.
24 Haeba ke ne ke tshepile kgautaKapa ke itse ho kgauta, ‘O tshireletso ya ka,’+
25 Haeba ke ne ke thaba hobane ke ruile haholo+Ebile ke ena le dintho tse ngata,+
26 Haeba ke bone ha letsatsi le kganyaKapa ha kgwedi e tsamaya ka botle ba yona+
27 Yaba pelo ya ka e kgahlwa ke tsona ka sephiringMme ke beha matsoho a ka molomong ho di rapela,+
28 E ne e tla ba ke entse phoso mme baahlodi ba ne ba tla lokela ho mpha kotloKa ha ke ne ke tla be ke latotse Modimo wa nnete ya lehodimong.
29 Na nkile ka thabela ditsietsi tsa sera sa ka+Kapa ka thabela ho bona se hlahelwa ke dintho tse mpe?
30 Ha ke eso ka ke dumella molomo wa ka hore o etse sebeKa ho lakaletsa sera sa ka bobe le ho batla hore se bolawe.+
31 Na banna ba ntlo ya ka ha ba a ka ba re,‘Batho bohle ba tlang ha Jobo ba ja* ho fihlela ba kgotsofala’?+
32 Ha ho na motho* ya neng a robala ka ntle bosiu.+
Ke ne ke amohela baeti.
33 Na nkile ka leka ho pata diphoso tsa ka jwalo ka batho ba bang,+Ka di pata ka pokothong ya seaparo sa ka?
34 Na nkile ka tshaba hore na batho ba bangata ba tla rengKapa ka tshoswa ke ho songwa ke malapa a mang,Hoo ke ileng ka thola mme ka tshaba ho tswela ka ntle?
35 Hoja ho ka ba le motho ya mmamelang.+
Ke ne ke tla ngola lebitso la ka e le ho tiisa hore seo ke se buileng ke nnete.
Ya Matla Ohle a ke a nkarabe.+
Haeba feela motho ya nqosang a ne a ngotse dintho tseo a nqosang ka tsona fatshe,
36 Ke ne ke tla di jara mahetleng,Ke di rwale hloohong jwalo ka korone.
37 Ke ne ke tla mo bolella mohato o mong le o mong oo ke o nkang.
Ke ye ho yena ka sebete jwalo ka ha eka ke kgosana.
38 Haeba ke etsa hore masimo a ka a lleLe hore diforo tsa ona kaofela di lle
39 Haeba ke jele dijo tse tswang ho ona ke sa patala+ batho ba lemmengKapa ke utlwisitse batho bao e neng e le a bona bohloko,+
40 Masimong a ka ho ke ho hlahe meutlwa eseng koro,Ho hlahe ditlamatlama tse nkgang hampe eseng harese.”
Mantswe a Jobo a fella mona.
Dintlha tse qetellong ya sehloho
^ Ka Seheberu: “morwetsana.”
^ Kapa mohlomong: “ka tsamaya le batho ba sa tshepahaleng.”
^ Kapa: “Le ditloholo tsa ka di ke di ntshwe.”
^ Ka Seheberu: “banna ba bang ba kgumame hodima hae.”
^ Kapa: “nyewe.”
^ Ka Seheberu: “a ema?”
^ Ka Seheberu: “ka popelong?”
^ Ka Seheberu: “ho tloha ka popelong ya mme wa ka.”
^ Ka Seheberu: “ntlhohonolofatsa.”
^ Kapa mohlomong: “Ha ke ne ke bona hore ho na le batho ba ntshehetsang keiting ya motse.”
^ Ka Seheberu: “ba ja nama.”
^ Kapa: “moditjhaba.”
