Jobo 32:1-22
32 Banna bao ba bararo ba tlohela ho bua le Jobo hobane o ne a dumela hore ha a na molato.*+
2 Empa Elihu mora wa Barakele wa Mobuze+ ya tswang lelapeng la Rame a halefa haholo. O ile a halefela Jobo hobane a re Jobo o leka ho iketsa eka o lokile ho feta Modimo.+
3 Hape o ile a halefela metswalle ya Jobo e meraro hobane e hlolehile ho araba Jobo empa e ne e re Modimo o kgopo.+
4 Empa ka ha e ne e le yena e monyenyane,+ o ne a emetse hore e qete ho bua le Jobo.
5 Ha Elihu a bona hore banna bao ba bararo ba ntse ba se na karabo, a halefa le ho feta.
6 Elihu mora wa Barakele wa Mobuze a re:
“Ke monyenyane,Lona le baholo.+
Ke ile ka thola hobane ke le hlompha+Yaba ha ke le bolelle seo ke se tsebang.
7 Ke ile ka re, ‘Ere batho ba baholo ba bue,Ba nang le dilemo tse ngata ba bontshe bohlale ba bona.’
8 Empa moya o halalelang oo Modimo a o fang batho,Moya wa Ya Matla Ohle ke wona o ba fang kutlwisiso.+
9 Ho ba le dilemo tse ngata ha se yona feela ntho e etsang hore motho a be bohlaleLe batho ba hodileng ha se bona feela ba utlwisisang hore na ke ntho efe e lokileng.+
10 Jwale ke re, ‘MmamelengKe le bolelle seo ke se tsebang.’
11 Ke ile ka le emela hore le bue,Ka le mamela ha le ntsha maikutlo a lona+Mme le batlana le seo le ka se buang.+
12 Ke ne ke le mametse ka hlokoEmpa ha ho le ya mong wa lona ya kgonneng ho bontsha Jobo hore o fositse*Kapa ho araba dipotso tsa hae.
13 Le se ke la re, ‘Re bohlale.
Ke Modimo ya mo kgalemelang eseng motho.’
14 O ne a sa bue le nnaKa hoo, nke ke ka mo araba jwalo ka lona.
15 Ba nyahame mme ha ba sa na dikarabo.
Ba feletswe ke mantswe.
16 Esale ke ba emetse empa ha ba bue.
Ba eme feela ha ba tsebe hore na ba reng.
17 Le nna ke tla araba,Ke bue seo ke se tsebang,
18 Ho na le dintho tse ngata tseo ke batlang ho di bua,Moya o halalelang ke wona o ntshusumetsang.
19 Ka mpeng ya ka ho jwalo ka veine e ka lekukeng* le se nang lesoba,Jwalo ka makuka a veine a matjha a haufi le ho phatloha.+
20 Ereng ke bue e le hore ke kgone ho imoloha.
Ke tla phahamisa molomo wa ka mme ke arabe.
21 Nke ke ka ba leeme ho motho le ha e le ofe.+
Kapa ka buela ho thabisa* motho.
22 Ha ke tsebe ho qeka motho,Haeba ke ne nka etsa jwalo, Mmopi wa ka o ne a tla qeta ka nna ka ho panya ha leihlo.
Dintlha tse qetellong ya sehloho
^ Kapa: “o lokile.”
^ Kapa: “kgalemela Jobo.”
^ Mokotla wa letlalo o tshelang metsi.
^ Kapa: “rorisa.”
