Joele 3:1-21
3 “Mehleng eo, ka yona nako eoHa ke kgutlisa batshwaruwa ba Juda le Jerusalema,+
2 Ke tla boela ke bokelle ditjhaba tsohle,Ke di theolele Kgohlong* ya Josafate.*
Ke tla di ahlolela moo,+Ke di ahlolele dintho tseo di di entseng ho setjhaba sa ka sa IseraeleHobane di ile tsa hasanya BaiseraeleYaba di ikaba ka naha ya ka.+
3 Di lahla lotho hore di ikabe ka batho ba ka,+Di rekisa ngwana moshanyana e le hore di patale letekatse,Di rekisa wa ngwanana hore di reke veine di tle di nwe.
4 Lona Tire, Sidone le lona dibaka tsohle tsa Filistia,Le se nka kae sebete sa ho nketsa tjee?
Na ho na le ntho e mpe eo ke le entseng yona?
Na le a iphetetsa? Haeba ho jwalo,Ke tla iphetetsa ka lebaka la dintho tseo le ba entseng tsona.+
5 Ka ha le nkile silevera ya ka le kgauta ya ka,+La isa dintho tsa ka tsa bohlokwa ditempeleng tsa lona,
6 La rekisa baahi ba Juda le ba Jerusalema, la ba rekisetsa Bagerike+E le hore le ba ise hole le naha ya habo bona,
7 Ke tla ba lata moo le ba rekiseditseng teng,+Ke iphetetse ka lebaka la dintho tseo le ba entseng tsona.
8 Ke tla rekisetsa Bajuda bara ba hao le baradi ba hao,+Ba tla ba rekisetsa batho ba Sheba, batho ba dulang hole.
Nna Jehova ke a le tiisetsa.
9 Phatlalatsang hohle ditjhabeng le re:+
‘Itokisetseng ntwa. Bitsang banna ba matla.
Atametsang masole e le hore a hlasele.+
10 Etsang disabole ka mehoma ya lona, le etse marumo ka dikere tse kutang dimela.
Motho ya fokolang a ke a re o matla.
11 Lona ditjhaba tsohle tse haufi, tloong le tlo thusa.’+
Jehova, romela batho ba hao ba matla* sebakeng seo.
12 Ditjhaba di ke di itokise, di theohele Kgohlong* ya JosafateHobane ke tla dula teng ke ahlole ditjhaba tsohle tse haufi.+
13 Akgelang sekele hobane e se e le nako ya ho kotula.
Tloong le tlo hatakela morara hobane sehatelo se tletse.+
Dinkgo tse kgakeletsang veine di tletse hobane bokgopo ba ditjhaba tseo bo bongata haholo.
14 Ditjhaba di se di le ka kgohlong* ya kahloloHobane haufinyane letsatsi la Jehova le tla tla kgohlong ya kahlolo.+
15 Letsatsi le kgwedi di tla fifala,Dinaledi le tsona di tla fifala.
16 Jehova o tla bua ka lentswe le matla a le Sione,A hweletse a le Jerusalema.
Lehodimo le lefatshe di tla reketlaEmpa Jehova e tla ba setshabelo ho batho ba hae,+E be sebaka se sireletsehileng ho bana ba Iseraele.
17 Le tla tseba hore ke nna Jehova Modimo wa lona, ya dulang Sione, thabeng ya ka e halalelang.+
Jerusalema e tla ba sebaka se halalelang,+Baditjhaba ba ke ke ba hlola ba paroletsa le moo.+
18 Letsatsing leo, dithabeng ho tla rotha veine e monate,+Ho phalle lebese maralleng,Dinokana di phalle metsi Juda.
Ho tla ba le sediba ntlong ya Jehova,+Se tla nosetsa Kgohlo* ya Difate Tsa Leoka.
19 Egepeta yona e tla dula e se na baahi,+Edomo e fetohe dithakoHobane di ile tsa tshwara Bajuda hampe,+Bao naheng ya bona ho ileng ha bolawa batho ba se nang molato.+
20 Juda e tla ba le baahiLe Jerusalema e be le baahi molokong o mong ka mora o mong.+
21 Le hoja ke ne ke ba nka ba le molato, ke tla ba nka ba se molato,*+Nna Jehova ke tla dula Sione.”+
Dintlha tse qetellong ya sehloho
^ Kapa: “Phuleng.”
^ E bolelang “Jehova ke Moahlodi.”
^ Kapa: “bahlabani.”
^ Kapa: “Phuleng.”
^ Kapa: “phuleng.”
^ Ka Seheberu: “ke tla nka madi a bona a se na molato.”
