Mikea 1:1-16
1 Mehleng ya Jothame,+ Akaze+ le Ezekiase,+ marena a Juda,+ Jehova o ile a bua le Mikea*+ ya tswang Moreshethe, a ba a mo bontsha pono e mabapi le Samaria le Jerusalema a re:
2 “Mamelang, lona ditjhaba tsohle.
Utlwa, wena lefatshe le tsohle tse phelang ho wena.
Jehova o tempeleng ya hae e halalelang.
Jehova Mmusi wa Dintho Tsohle a ke a le qose.+
3 Jehova o tloha sebakeng sa hae.
O tla theoha mme a tsamaye hodima dithaba lefatsheng.
4 Dithaba di tla qhibidiha ka tlasa maoto a hae+Le dikgohlo* di tla arohanaJwalo ka mafura ka pela molloLe jwalo ka metsi a qhallwang sebakeng se motheo.
5 Dintho tsena tsohle di etsahetse ka lebaka la borabele ba JakoboLe ka lebaka la dibe tsa ditloholo tsa Iseraele.+
Ke mang ya lokelang ho behwa molato ka lebaka la borabele ba Jakobo?
Na ha se Samaria?+
Ke mang ya lokelang ho behwa molato ka lebaka la dibaka tse phahameng tsa Juda?+
Na ha se Jerusalema?
6 Ke tla etsa hore Samaria e be qubu ya majweLe hore e be sebaka seo ho lengwang dirapa tsa morara ho sona.
Ke tla dihela* majwe a hae kgohlongKe be ke pepese metheo ya hae.
7 Medimo yohle ya hae ya ditshwantsho, e tla silakanngwa.+
Dimpho tsohle tseo a di fumaneng ka ho ithekisa,* di tla tjheswa.+
Ke tla fedisa ditshwantsho tsohle tsa hae tse rapelwangTseo a di fumaneng e le moputso ha a etsa botekatse.
Di tla nkwa hore e tle e be moputso wa matekatse a mang.”
8 Ka lebaka la dintho tsena ke tla lla mme ke bokolle.+
Ke tla tsamaya ke sa rwala letho maotong ke bile ke sa apara letho.+
Ke tla lla jwalo ka diphokojwe,Ke bokolle jwalo ka dimpshe.
9 Leqeba la Samaria le ke ke la fola+Ebile le fihlile Juda.+
Kotlo eo e fihlile Jerusalema, keiting ya setjhaba sa ka.+
10 “Le se ke la bua ka tlokotsi ena Gathe.
Le se ke la lla ho hang.
Lona baahi ba Bethe-afera,* le ipitike leroleng.
11 Lona baahi ba Shafire, fetang le sa apara letho ebile le swabile.
Baahi ba Zanane ha ba a tswa.
Ho tla bokollwa Bethe-ezele ebile e ke ke ya hlola e le tshehetsa.
12 Baahi ba Marothe ba ne ba letetse se molemoEmpa Jehova o tlisitse dintho tse mpe keiting ya Jerusalema.
13 Tlamellang kariki sehlopheng sa dipere, lona baahi ba Lakishe.+
Sebe sa moradi wa Sione se tswa ho lonaKa ha le mphetohetse jwalo ka Iseraele.+
14 O tla fa Moreshethe-gathe dimpho ha a tsamaya.
Baahi* ba Akzibe+ ba swetsitse marena a Iseraele.
15 Ke tla le tlisetsa sera se hapang dintho tsohle,+ lona baahi ba Maresha.+
Kganya ya Iseraele e tla fihla Adulame.+
16 Beolang dihlooho, le kute moriri bakeng sa bana ba lona bao le ba ratang.
Iketseng lefatla jwalo ka ntsuHobane ba le nketse bana ba lona mme ba isitswe botlamuweng.”+
Dintlha tse qetellong ya sehloho
^ Ke kgutsufatso ya Mikaele (e bolelang “Ke Mang ya Tshwanang Modimo?”) kapa Mikaia (e bolelang “Ke Mang ya Tshwanang le Jehova?”).
^ Kapa: “diphula.”
^ Ka Seheberu: “tshollela.”
^ Kapa: “Meputso yohle ya hae ya botekatse.”
^ Kapa: “Ka tlung ya Afera.”
^ Ka Seheberu: “Matlo.”