Nahume 2:1-13
2 Lona baahi ba Ninive, le tla futuhelwa ke motho ya tla le hasanya.+
Lebelang marako a lona a sireletsang motse,Le lebele ditsela tsa lona.
Itokisetseng ntwa, le hlomele.
2 Jehova o tla etsa hore Jakobo a hlomphuwe hape,A etse jwalo le ka IseraeleHobane sera se ba senyeditse,+Se ba senyeditse difate tsa bona tsa morara.
3 Dithebe tsa masole a Ninive di kgubedu,Diaparo tsa ona di kgubedu tlere!
Dikariki tsa ona di benya jwalo ka molloLetsatsing leo ka lona a itokisetsang ntwaMme banna ba leotsa marumo a bona a entsweng ka patsi ya sefate sa junipere.
4 Dikariki tsa masole a bona tsa ntwa di matha ka lebelo diterateng,Di ya hodimo le tlase dimmarakeng.
Di kganya jwalo ka dirumula, di lebelo jwalo ka lehadima.
5 Morena wa Asiria o tla bitsa masole a hae a matla.
Ha a ntse a tsamaya, a tla kgothometseha,A mathele lerakong la motseE le ho le sireletsa ka thata.
6 Dikeiti tsa dinoka di tla bulwaMme ntlo ya morena e tla heleha.
7 Ho se ho entswe qeto, Ninive o hlobodisitswe,O tla nkwa a iswe botlamuweng ebe basebeletsi ba hae ba barwetsana ba a lla,Ba lle jwalo ka maeba ba ntse ba ikotla difuba.
8 Ho tloha ha Ninive+ e le teng esale eka letamoEmpa hona jwale batho ba a baleha.
“Kgutlang! Kgutlang!”
Empa ha ho le ya mong ya kgutlang.+
9 Ikgapeleng silevera, le ikgapele kgauta.
Dintho tse bolokilweng di ngata haholo,Ho tletse dintho tsa bohlokwa tsa mefutafuta.
10 Motse o bodutu, ke lesupi.+
Baahi ba wona ba wele ke letswalo,* mangole a bona a a tsherema,Ba a bonahala hore ba pudufaletswe.
11 Ho etsahetseng ka motse o neng o ka selao sa ditau,+ moo ditau* di neng di jella teng,Moo tau e neng e tsamaya le madinyane a yona,Moo ho neng ho se na motho ya ka di tshosang?
12 Tau e ile ya rusolla diphofu tse lekaneng ho fepa madinyane a yona,Ya di rusolla le bakeng sa ditauhadi tsa yona.
Ya tlatsa selao sa yona ka diphoofolo tseo e di bolaileng,Diphoofolo tseo e di harotseng.
13 Jehova wa mabotho o re:
“Ke tla o hlasela wena Ninive,+ ke tjhese dikariki tsa hao tsa ntwa,+Ke tla bolaya bahlankana ba hao* ka sabole,Ke o thibele hore o se ke wa hlola o tlatlapa lefatshe,Baromuwa ba hao ba ke ke ba hlola ba utlwahala.”+
Dintlha tse qetellong ya sehloho
^ Ka Seheberu: “Pelo di nyahame.”
^ Ka Seheberu: “ditau tse moetse.”
^ Ka Seheberu: “ditau tsa hao tse moetse.”
