Numere 29:1-40

E Bapale

Ditaelo tse lokelang ho latelwa ha ho etswa dinyehelo tse fapaneng (1-40)
- Letsatsi la ho letsa terompeta (1-6)
- Letsatsi la Sehlabelo sa ho Tshwarelwa Dibe (7-11)
- Mokete wa Maphephe (12-38)

29 Ka kgwedi ya bosupa, ka letsatsi la pele la kgwedi, le tshware kopano e halalelang. Le se ke la etsa mosebetsi le ha e le ofe o boima.+ Ke letsatsi leo le lokelang ho letsa terompeta ka lona.+ ² Le tlisetse Jehova nyehelo ya setjheso e monko o monate* ya pohwana e le nngwe, ramo e le nngwe le dikonyana tse tona tse supileng, e nngwe le e nngwe e ena le selemo, kaofela ha tsona e be tse phetseng hantle. ³ Le tlise le nyehelo ya tsona ya dijo* ya phofo e sitsweng hantle e kopantsweng le oli. E be dilithara tse tsheletseng le halofo* bakeng sa pohwana, dilithara tse nne le halofo* bakeng sa ramo ⁴ le khilokramo e le nngwe bakeng sa konyana e nngwe le e nngwe e tona ho dikonyana tse tona tse supileng. ⁵ Le tlise le potsanyane e le nngwe e tona e le nyehelo ya sebe ho etsa sehlabelo sa tshwarelo ya dibe bakeng sa lona. ⁶ Nyehelo ena e lokela ho tliswa ho phaella ho nyehelo ya setjheso ya kgwedi le kgwedi le nyehelo ya yona ya dijo,*+ nyehelo ya setjheso ya ka mehla le nyehelo ya yona ya dijo*+ ha mmoho le dinyehelo tsa tsona tsa seno,+ ho ya ka mokgwa o tlwaelehileng, e le monko o monate,* nyehelo e etseditsweng Jehova ka mollo. ⁷ Ka letsatsi la leshome la kgwedi ena ya bosupa, le tshware kopano e halalelang+ mme le bontshe hore le utlwile bohloko.* Le se ke la etsa mosebetsi le ha e le ofe.+ ⁸ Le tlisetse Jehova nyehelo ya setjheso e monko o monate* ya pohwana e le nngwe, ramo e le nngwe le dikonyana tse supileng tse tona e nngwe le e nngwe e ena le selemo, kaofela ha tsona e be tse phetseng hantle.+ ⁹ Le tlise le nyehelo ya tsona ya dijo* ya phofo e sitsweng hantle e kopantsweng le oli. E be dikhilokramo tse ka bang tharo le halofo bakeng sa pohwana, dikhilokramo tse pedi bakeng sa ramo e le nngwe ¹⁰ le khilokramo e le nngwe bakeng sa konyana ka nngwe e tona ho dikonyana tse supileng tse tona. ¹¹ Le tlise le potsanyane e le nngwe e le nyehelo ya sebe, ho phaella ho nyehelo ya sebe ya tshwarelo ya dibe+ le nyehelo ya setjheso ya ka mehla le nyehelo ya yona ya dijo* ha mmoho le dinyehelo tsa tsona tsa seno. ¹² Ka letsatsi la bo15 la kgwedi ya bosupa le tshware kopano e halalelang. Le se ke la etsa mosebetsi le ha e le ofe o boima mme le etsetse Jehova mokete ka matsatsi a supileng.+ ¹³ Le tlise nyehelo ya setjheso+ e tjheswang ka mollo, e monko o monate* ho Jehova. E be dipohwana tse 13, diramo tse pedi le dikonyana tse tona tse 14, e nngwe le e nngwe e ena le selemo, kaofela ha tsona e be tse phetseng hantle.+ ¹⁴ Le tlise le nyehelo ya tsona ya dijo* ya phofo e sitsweng hantle e kopantsweng le oli. E be dikhilokramo tse ka bang tharo le halofo bakeng sa pohwana ka nngwe ho dipohwana tse 13, dikhilokramo tse pedi bakeng sa ramo ka nngwe ho diramo tse pedi ¹⁵ le khilokramo e le nngwe bakeng sa konyana ka nngwe e tona ho dikonyana tse tona tse 14. ¹⁶ Le tlise le potsanyane e le nngwe e le nyehelo ya sebe, ho phaella ho nyehelo ya setjheso ya ka mehla le nyehelo ya yona ya dijo* le nyehelo ya yona ya seno.+ ¹⁷ Ka letsatsi la bobedi, le tlise dipohwana tse 12, diramo tse pedi le dikonyana tse tona tse 14 e nngwe le e nngwe e ena le selemo, kaofela ha tsona e be tse phetseng hantle.+ ¹⁸ Le tlise le nyehelo ya tsona ya dijo* le dinyehelo tsa tsona tsa seno bakeng sa dipohwana, diramo le dikonyana tse tona ka palo ya tsona ho ya ka mokgwa o tlwaelehileng. ¹⁹ Le tlise le potsanyane e le nngwe e le nyehelo ya sebe, ho phaella ho nyehelo ya setjheso ya ka mehla le nyehelo ya yona ya dijo* ha mmoho le dinyehelo tsa tsona tsa seno.+ ²⁰ Ka letsatsi la boraro, le tlise dipoho tse 11, diramo tse pedi le dikonyana tse tona tse 14 e nngwe le e nngwe e ena le selemo, kaofela ha tsona e be tse phetseng hantle.+ ²¹ Le tlise le nyehelo ya tsona ya dijo* le dinyehelo tsa tsona tsa seno bakeng sa dipoho, diramo le dikonyana tse tona ka palo ya tsona ho ya ka mokgwa o tlwaelehileng. ²² Le tlise le podi e le nngwe e le nyehelo ya sebe, ho phaella ho nyehelo ya setjheso le nyehelo ya yona ya dijo* le nyehelo ya yona ya seno.+ ²³ Ka letsatsi la bone, le tlise dipoho tse leshome, diramo tse pedi le dikonyana tse tona tse 14, e nngwe le e nngwe e ena le selemo, kaofela ha tsona e be tse phetseng hantle.+ ²⁴ Le tlise le nyehelo ya tsona ya dijo* le dinyehelo tsa tsona tsa seno bakeng sa dipoho, diramo le dikonyana tse tona ka palo ya tsona ho ya ka mokgwa o tlwaelehileng. ²⁵ Le tlise le potsanyane e le nngwe e le nyehelo ya sebe, ho phaella ho nyehelo ya setjheso ya ka mehla le nyehelo ya yona ya dijo* le nyehelo ya yona ya seno.+ ²⁶ Ka letsatsi la bohlano, le tlise dipoho tse robong, diramo tse pedi le dikonyana tse tona tse 14, e nngwe le e nngwe e ena le selemo, kaofela ha tsona e be tse phetseng hantle.+ ²⁷ Le tlise le nyehelo ya tsona ya dijo* le dinyehelo tsa tsona tsa seno bakeng sa dipoho, diramo le dikonyana tse tona ka palo ya tsona ho ya ka mokgwa o tlwaelehileng. ²⁸ Le tlise le podi e le nngwe e le nyehelo ya sebe, ho phaella ho nyehelo ya setjheso ya ka mehla le nyehelo ya yona ya dijo* le nyehelo ya yona ya seno.+ ²⁹ Ka letsatsi la botshelela, le tlise dipoho tse robedi, diramo tse pedi le dikonyana tse tona tse 14, e nngwe le e nngwe e ena le selemo, kaofela ha tsona e be tse phetseng hantle.+ ³⁰ Le tlise le nyehelo ya tsona ya dijo* le dinyehelo tsa tsona tsa seno bakeng sa dipoho, diramo le dikonyana tse tona ka palo ya tsona ho ya ka mokgwa o tlwaelehileng. ³¹ Le tlise le podi e le nngwe e le nyehelo ya sebe, ho phaella ho nyehelo ya setjheso ya ka mehla le nyehelo ya yona ya dijo* le dinyehelo tsa yona tsa seno.+ ³² Ka letsatsi la bosupa, le tlise dipoho tse supileng, diramo tse pedi le dikonyana tse tona tse 14, e nngwe le e nngwe e ena le selemo, kaofela ha tsona e be tse phetseng hantle.+ ³³ Le tlise le nyehelo ya tsona ya dijo* le dinyehelo tsa tsona tsa seno bakeng sa dipoho, diramo le dikonyana tse tona ka palo ya tsona ho ya ka mokgwa o tlwaelehileng. ³⁴ Le tlise le podi e le nngwe e le nyehelo ya sebe, ho phaella ho nyehelo ya setjheso ya ka mehla le nyehelo ya yona ya dijo* le nyehelo ya yona ya seno.+ ³⁵ Ka letsatsi la borobedi, le lokela ho tshwara seboka se hlomphehang. Le se ke la etsa mosebetsi le ha e le ofe o boima.+ ³⁶ Le tlise nyehelo ya setjheso e tjheswang ka mollo, e monko o monate* ho Jehova ya poho e le nngwe, ramo e le nngwe le dikonyana tse tona tse supileng, e nngwe le e nngwe e ena le selemo, kaofela ha tsona e be tse phetseng hantle.+ ³⁷ Le tlise le nyehelo ya tsona ya dijo* le dinyehelo tsa tsona tsa seno bakeng sa poho, ramo, le dikonyana tse tona ka palo ya tsona ho ya ka mokgwa o tlwaelehileng. ³⁸ Le tlise le podi e le nngwe e le nyehelo ya sebe, ho phaella ho nyehelo ya setjheso ya ka mehla le nyehelo ya yona ya dijo* le nyehelo ya yona ya seno.+ ³⁹ Le nyehele dintho tsena ho Jehova meketeng ya lona e bang ka dinako tse itseng,+ ho phaella ho dinyehelo tsa lona tsa boitlamo+ le dinyehelo tsa lona tsa boithaopo,+ e le dinyehelo tsa lona tsa setjheso,+ dinyehelo tsa lona tsa dijo,*+ dinyehelo tsa lona tsa seno+ le mahlabelo a lona a kopanetsweng.’”+ ⁴⁰ Moshe a bolella Baiseraele ntho e nngwe le e nngwe eo Jehova a neng a mo laetse yona.