Obadia 1:1-21
1 Pono ya Obadia:*
Ona ke molaetsa o tswang ho Jehova Mmusi wa Dintho Tsohle oo Obadia a o bolelang mabapi le Edomo:+
“Re utlwile tlaleho e tswang ho Jehova,Moromuwa o rometswe hara ditjhaba o re:
‘Emang, re itokisetseng ho lwantsha Edomo.’”+
2 “Ke o entse ya se nang thuso hara ditjhaba.
Di o nyatsa haholo.+
3 Boikgohomoso ba hao bo o thetsitse,+Wena ya balehelang* lefikeng,Ya dulang hodimo dithabeng, o ntse o re ka pelong,‘Ke mang ya tla ntiha?’
4 Le haeba o ka dula hodimo* jwalo ka ntsuKapa wa hahela hara dinaledi,Ke tla o theola hona moo,” ke Jehova ya tjhong.
5 “Haeba mashodu a ka tla ho wena, le dinokwane tsa tla bosiu,(O ne o tla fediswa)*
Na di ne di ke ke tsa utswa dintho tseo di di batlang feela?
Kapa haeba batho ba kotulang morara ba ka tla ho wena,Na ba ne ba ke ke ba siya o mong?+
6 Wena Esau, dintho tsohle tsa hao di fumanwe.
Maruo ohle a hao ao o a patileng a nkilwe.
7 Ba o tebetse naheng ya habo bona.
Bohle ba entseng tumellano le wena ba o thetsitse.
Banna ba entseng kgotso le wena ba o hlotse.
Ba jang bohobe le wena ba tla o tjhehela leraba
Empa o ke ke wa lemoha.
8 Letsatsing leo,” ke Jehova ya tjhong,“Ke tla timetsa ba bohlale ba tswang Edomo+Le ba nang le temoho ba tswang dithabeng tsa Esau.
9 Bahlabani ba hao ba tla tshoha,+ wena Temane+Hobane e mong le e mong ya dithabeng tsa Esau o tla bolawa.+
10 Ka ha o kentse letsoho ho lwantsha ngwaneno Jakobo+O tla swaba haholo+Mme o tla timella ruri.+
11 Letsatsing leo o neng o emeletse ka thoko,Mohla ba direng* ba isang masole a Jakobo botlamuweng,+Ha ba direng ba kena motseng* wa hae mme ba arolelana maruo a Jerusalema ka lotho,*+O ne o le hara bona.
12 O ne o sa lokela ho thabela ho bona ditsietsi tsa ngwaneno letsatsing la tlokotsi ya hae,+O ne o sa lokela ho thabela batho ba Juda letsatsing la ho timela ha bona+Ebile o ne o sa lokela ho ba soma letsatsing la mahlomola a bona.
13 O ne o sa lokela ho kena motseng wa batho ba ka mohla ba neng ba welwa ke koduwa,+O ne o sa lokela ho thabela ho bona tlokotsi ya hae mohla a neng a hlahelwa ke koduwa.
O ne o sa lokela ho inkela maruo a hae letsatsing la koduwa ya hae.+
14 O ne o sa lokela ho ema mateanong a ditsela ho lalla ba phonyohileng ba hae e le hore o ba bolaye.+
O ne o sa lokela ho nehelana ka bona ho dira tsa hae letsatsing la mahlomola.+
15 Etswe letsatsi la hore Jehova a ahlole ditjhaba tsohle le haufi.+
Ho tla etswa ho wena jwalo ka ha o entse ho yena.+
O tla tshwarwa ka tsela eo o tshwereng ba bang ka yona.
16 Tsela eo le nweleng veine ka yona hodima thaba ya ka e halalelang,Ke tsela eo ka yona ditjhaba tsohle di tla nne di nwe kgalefo ya ka.+
Di tla nwa kgalefo ya ka le ho e menyeletsa.
Di tla nyamela jwalo ka ha eka ha di eso ka di eba teng.
17 Empa ba phonyohileng ba tla dula Thabeng ya Sione,+E tla halalela+Mme ba ntlo ya Jakobo ba tla lata thepa ya bona.+
18 Ba ntlo ya Jakobo e tla ba mollo,Ba ntlo ya Josefa e be lelakabe,Ba ntlo ya Esau bona ba be jwalo ka ditlhaka.
Ba tla ba tjhesa mme ba ba fedise.
Ha ho motho ho ba ntlo ya Esau ya tla phonyoha+Hobane Jehova o tjhulo.
19 Ba tla nka Negebe le sebaka se dithaba sa Esau,+Sa Shefela le naha ya Bafilista.+
Ba tla nka naha ya Efraime le naha ya Samaria,+Benjamine yena a nke Gileade.
20 Ha e le baphaphathehi ba tswang totomeng ena+E leng Baiseraele, ba tla nka naha ya Bakanana ho ya fihla Sarepta.+
Baphaphathehi ba Jerusalema ba neng ba le Sefarade ba tla nka metse ya Negebe.+
21 Bapholosi ba tla nyolohela Thabeng ya SioneHo ahlola batho ba dulang dithabeng tsa Esau+Mme Jehova e tla ba Morena.”+
Dintlha tse qetellong ya sehloho
^ E bolelang “Mohlanka wa Jehova.”
^ Kapa: “ya tshabelang.”
^ Kapa mohlomong: “fofela hodimo.”
^ Kapa mohlomong: “Di ne di ka senya hakae?”
^ Ka Seheberu: “keiting.”
^ Ka Seheberu: “batho bao o sa ba tsebeng.”