Sefela sa Difela 1:1-17
-
Pina e monate ka ho fetisisa (1)
-
Mantswe a morwetsana (2-7)
-
Mantswe a baradi ba Jerusalema (8)
-
Mantswe a Morena (9-11)
-
“Re tla o etsetsa mekgabiso ya kgauta” (11)
-
-
Mantswe a morwetsana (12-14)
-
“Moratuwa wa ka o jwalo ka mokotla wa mira o nkgang ha monate” (13)
-
-
Mantswe a modisana (15)
-
“O motle, moratuwa wa ka” (16)
-
-
Mantswe a morwetsana (16, 17)
-
“O motle, moratuwa wa ka” (16)
-
1 Pina e monate ka ho fetisisa* ya Solomone:+
2 “Ntshune, ntshune ka molomo wa haoHobane lerato la hao le monate ho feta veine.+
3 Dioli tsa hao di nkga ha monate.+
Lebitso la hao le jwalo ka oli e monko o monate,+ e tshetsweng hodima hlooho.
Ha se feela barwetsana ba o ratang.
4 A re tsamaye.* A re mathe.
Morena o nkentse ka dikamoreng tsa hae.
A re nyakalle mme re thabe mmoho.
A re bue* ka tsela eo o nthatang ka yona. Lerato la hao le monate ho feta veine.
Ba* o rata ka nepo.
5 Lona baradi ba Jerusalema le ha ke le motshwana,* ke motle,Ke tshwana le ditente tsa Kedare+ le masela a tente+ a Solomone.
6 Le se ke la mmakalla hobane ke le motshwanaKa ha ke tjhesitswe ke letsatsi.
Dikgaitsedi tsa ka di ile tsa nkgalefela.
Tsa nketsa mohlokomedi wa dirapa tsa moraraEmpa ha ke a ka ka hlokomela serapa sa ka sa morara.
7 Mpolelle wena moratuwa wa ka,O disetsa mohlape wa hao hokae?+
O o bothisa hokae motshehare?
Ke hobaneng ha ke lokela ho ba jwalo ka mosadi ya apereng lesira*Hara mohlape wa metswalle ya hao?”
8 “Haeba o sa tsebe, wena e motle ka ho fetisisa hara basadi,Latela mohlala wa mohlape,O fudisetse dipotsanyane tsa hao pela ditente tsa badisana.”
9 “Wena moratuwa wa ka, o motle jwalo ka pere* e tshehadi dikariking tsa Faro.+
10 Marama a hao a matle ha a kgabisitswe,*Le molala wa hao o motle ka difaha.
11 Re tla o etsetsa mekgabiso ya kgauta*Ha mmoho le masale a silevera.”
12 “Ha morena a le tafoleng ya hae,Nareda* ya ka+ e ntse e ntsha monko o monate.
13 Moratuwa wa ka o jwalo ka mokotla wa mira o nkgang ha monate+O dulang pakeng tsa matswele a ka bosiu.
14 Ho nna moratuwa wa ka o motle jwalo ka lekala la hena+Hara dirapa tsa morara tsa Ene-gedi.”+
15 “O motle, moratuwa wa ka.
O motle haholo. Mahlo a hao ekare a maeba.”+
16 “Le wena o motle,* moratuwa wa ka, o a kgahleha.+
Jwang bo botala ke bethe ya rona.
17 Dibalaka tsa ntlo ya rona* ke tsa dikedare,Maballo a rona ke a difate tsa junipere.”
Dintlha tse qetellong ya sehloho
^ Kapa: “Sefela sa difela.” E leng “pina ya dipina.”
^ Ka Seheberu: “Nkgule.”
^ Kapa: “ikgopotse.”
^ E leng barwetsana.
^ Ka Seheberu: “motsho.”
^ Kapa: “ya apereng lesira la motho ya utlwileng bohloko.”
^ Kapa: “pere ya ka.”
^ Kapa mohlomong: “a matle hara dithapo tsa moriri.”
^ Kapa: “ya kgauta e sedikadikwe.”
^ Kapa: “Oli e nkgang ha monate.”
^ Kapa: “tjaka.”
^ Kapa: “ntlo ya rona e ntle.”
