Sefela sa Difela 2:1-17
2 Nna ke palesa ya safrone feela e pela lebopo la lewatle,Ke mohaladitwe wa dikgohlo.”+
2 “Jwalo ka mohaladitwe hara meutlwa,Moratuwa wa ka o jwalo hara barwetsana.”
3 “Jwalo ka sefate sa diapole hara moru,Moratuwa wa ka o jwalo hara bahlankana.
Ke labalabela ho dula moriting wa haeMme ditholwana tsa hae di a nnatefela.
4 O ile a ntlisa ntlong ya mokete*Mme batho bohle ba ne ba bona hore o a nthata.
5 Nkgatholleng ka dipolokwe tsa morara o omisitsweng,+Le mmatlafatse ka diapoleHobane ke a shwa ke lerato.
6 Letsoho la hae le letshehadi le tlasa hlooho ya ka,O nkopa ka letsoho la hae le letona.+
7 Baradi ba Jerusalema, ke le hlapantshaKa dikgama+ tse tshehadi tsa naha le ka ditshephe:
Le se ke la leka ho tsosa lerato ka ho nna ho fihlela lerato le itlhahisa.+
8 Ke utlwa lentswe la moratuwa wa ka.
Bonang! Ke eo a tla,O hlwa dithaba, o tlolaka maralleng.
9 Moratuwa wa ka o tshwana le tshephe, o tshwana le namane e tona ya kgama.+
Ke eo o eme ka mora lerako la rona,O shebile ka difensetere,O nyaretse ka fensetere.
10 Moratuwa wa ka o re ho nna:
‘Ema, lerato la ka,Seponono sa ka, o tsamaye le nna.
11 Bona, mariha a* fetile,Dipula di emisitse, di fetile.
12 Dithunthung di hlahile naheng,+Nako ya ho kuta difate e fihlile+Mme pina ya leebanakgorwana e a utlwahala naheng ya rona.+
13 Sefateng sa feie,* difeie tse butswang pele di se di butswitse.+
Difate tsa morara di thuntse, di ntsha monko o monate.
Ema, o tle moratuwa wa ka,Seponono sa ka, a re tsamaye.
14 Leeba la ka le itshireleditseng lefikeng,+Mahaheng a selomo,Ere ke o bone ke be ke utlwe lentswe la hao+Hobane lentswe la hao le monate ebile o motle.’”+
15 “Re tshwareleng diphokojwe,Madinyane a diphokojwe a senyang dirapa tsa moraraKa ha dirapa tsa rona tsa morara di thuntse.”
16 “Moratuwa wa ka ke wa ka ke le mong mme nna ke wa hae.+
O disetsa+ moo ho nang le mehaladitwe.+
17 Pele ho phola* le meriti e baleha,O kgutle kapele, moratuwa wa ka,Jwalo ka tshephe+ kapa namane e tona ya kgama+ e hodima dithaba tse re arohantseng.”*
Dintlha tse qetellong ya sehloho
^ Ka Seheberu: “ntlong ya veine.”
^ Kapa: “nako ya dipula e.”
^ Kapa: “feiga.”
^ Ka Seheberu: “letsatsi le phola.”
^ Kapa mohlomong: “dithaba tse arohaneng.” Kapa: “dithaba tsa Bethere.”
