Sefela sa Difela 3:1-11
3 Ke ile ka batla moratuwa wa ka,*+Ke le betheng ya ka bosiu.
Ke ile ka mo batla empa ha ke a ka ka mo fumana.+
2 Ke tla ema mme ke pote motse,Diterateng le dimmarakeng,Ke tla batla moratuwa wa ka.*
Ke ile ka mo batla empa ha ke a ka ka mo fumana.
3 Balebedi ba potolohang motseng ba ile ba kopana le nna.+
Ka re ho bona: ‘Na le bone moratuwa wa ka?’*
4 Yare ke sa tswa ba fetaKa fumana moratuwa wa ka.*
Ke ile ka mo tshwara mme ke ne ke sa batle ho mo tlohelaHo fihlela ke mo tlisitse ka tlung ya Mme,+Ka kamoreng ya ya ntswetseng.
5 Baradi ba Jerusalema, ke le hlapantshaKa dikgama tse tshehadi tsa naha le ka ditshephe:
Le se ke la leka ho tsosa lerato ka ho nna ho fihlela lerato le itlhahisa.”+
6 “Keng ntho ee e nyolohang naheng jwalo ka mosi,E nkgisitsweng ha monate ka mira, dibano tse tshweuLe diphofshwana tsa rakgwebo tsa mefuta yohle tse nkgang ha monate?”+
7 “Ke setulo* sa Solomone.
Banna ba 60 ba matla ba se potapotile,Ke banna ba matla ba Iseraele,+
8 Kaofela ha bona ba tshwere disabole,Ba kwetliseditswe ho lwana,E mong le e mong o sabole thekeng la haeE le ho mo sireletsa dinthong tse kotsi bosiu.”
9 “Ke setulo* sa Morena SolomoneSeo a iketseditseng sona ka difate tsa Lebanone.+
10 O entse ditshiya* tsa sona ka silevera,Mokokotlo wa sona ke kgauta.
Moo a dulang teng ho entswe ka boya bo pherese,Bokahare ba sona bo kgabisitswe hantleKe baradi ba Jerusalema.”
11 “Tswang lona baradi ba Sione,Le bone Morena Solomone.
O rwetse korone* eo mme wa hae+ a mo etseditseng yonaKa letsatsi la lenyalo la hae,Letsatsing leo pelo ya hae e neng e thabile.”
Dintlha tse qetellong ya sehloho
^ Kapa: “eo moya wa ka o mo ratang.”
^ Kapa: “eo moya wa ka o mo ratang.”
^ Kapa: “eo moya wa ka o mo ratang.”
^ Kapa: “eo moya wa ka o mo ratang.”
^ E ne e le setulo se neng se sebedisetswa ho nka ba boholong.
^ E ne e le setulo se neng se sebedisetswa ho nka ba boholong.
^ E ne e le ditshiya tse tshehetsang marulelo a setulo seo, e le hore morena a be tlasa moriti.
^ E ka nna yaba korone eo e ne e entswe ka dipalesa kapa makgasi.
