Sefela sa Difela 6:1-13
6 “Moratuwa wa hao o ile kae,Wena e motle ka ho fetisisa hara basadi?
Moratuwa wa hao o tswile le kae?
Ere re mo batle le wena.”
2 “Moratuwa wa ka o theohetse serapeng sa hae,Serapeng sa dimela tsa dinoko,Ho disetsa dirapeng,Le ho kga mehaladitwe.+
3 Moratuwa wa ka ke wa ka ke le mong,+Nna ke wa hae.
O disetsa moo ho nang le mehaladitwe.”+
4 “Moratuwa wa ka,+ o motle jwalo ka motse wa Tirza,*+O motle jwalo ka Jerusalema,+O kgahleha jwalo ka mabotho a potapotileng difolakga tsa wona.+
5 Ha o ntjheba,+Pelo ya ka e a ferekana.
Moriri wa hao o jwalo ka mohlape wa dipodiTse theohang dithabeng tsa Gileade.+
6 Meno a hao a jwalo ka mohlape wa dinku,Di nyoloha moo di tswa hlatsuwa teng,Tseo kaofela ha tsona di tswalang mafahla,Ho se e shwetsweng ke dikonyana.
7 Marama* a hao ka hara lesiraA jwalo ka kgarenate e arotsweng.
8 Hara mafumahadi a 60,Basadi ba direthe ba 80Le barwetsana ba se nang palo,+
9 O mong eo e leng leeba+ la ka le se nang sekodi.
Ke moratuwa wa mme wa hae,Thatohatsi ya* ya mo tswetseng.
Barwetsana ba a mo bona mme ba re o lehlohonolo,Mafumahadi le basadi ba direthe ba a mo rorisa,
10 ‘Ngwanana eo ya kganyang* jwalo ka mafube ke mang,E motle jwalo ka kgwedi e tolokileng,Ya hlwekileng jwalo ka kganya ya letsatsi,Ya kgahlehang jwalo ka mabotho a potapotileng difolakga tsa wona?’”+
11 “Ke ile ka theohela serapeng sa difate tsa ditholwana,+Ho bona tse qalang ho mela ka kgohlong,*Ho bona hore na sefate sa morara se hlometse,Hore na difate tsa dikgarenate di thuntse.
12 Pele ke hlokomela,Ka iphumana ke le*Dikariking tsa batho ba heso ba hlomphehang.”*
13 “Kgutla, kgutla, wena Moshulame.Kgutla, kgutlaE le hore re bone botle ba hao.”
“Le bonang ho Moshulame?”+“O tshwana le tantshi e etswang ke dihlopha tse pedi.”*
Dintlha tse qetellong ya sehloho
^ Kapa: “Motse o Kgahlehang.”
^ Kapa: “Ditlhafunelo.”
^ Ka Seheberu: “Ya hlwekileng wa.”
^ Ka Seheberu: “shebang tlase.”
^ Kapa: “Takatso ena ya ka ya nkisa.”
^ Kapa: “ba itetseng.”
^ Kapa: “tantshi ya Mahanaime.”
