Sefela sa Difela 7:1-13
7 “Maoto a hao a matle ha o rwetse dieta,*Wena moradi ya hlomphehang.
Dirope tsa hao tse ntle di tshwana le mekgabisoE entsweng ke setsebi sa mesebetsi ya matsoho.
2 Mokgubu wa hao ke sekotlolo se tjhitja.
E se eka se ka dula se ena le veine.
Mpa ya hao ke qubu ya koro,E potapotilweng ke mehaladitwe.
3 Matswele a hao a jwalo ka madinyane a mabedi,Mafahla a tshephe.+
4 Molala wa hao+ o jwalo ka tora ya lenaka la tlou.+
Mahlo a hao+ a jwalo ka matamo a Heshbone,+Keiting ya Bathe-rabime.
Nko ya hao e jwalo ka tora ya Lebanone,E shebileng Damaseka.
5 Hlooho ya hao e ntle jwalo ka thaba ya Karmele,+Moriri wa hao*+ o jwalo ka boya bo pherese.+
Morena o kgahlwa ke moriri wa hao o lepeletseng.
6 Wena ngwanana ya ratwang, o motle haholo mme o kgahleha haholoHo feta dintho tsohle tse ntle.
7 O tshwana le sefate sa palema ka seemo,Matswele a hao a tshwana le sehlahla sa ditholwana tsa palema.+
8 Ke itse: ‘Ke tla hlwella sefateng sa palemaE le hore ke kge ditholwana tsa sona.’E se eka matswele a hao a ka tshwana le sehlahla sa morara,Lehano la hao* le nkge ha monate jwalo ka diapole,
9 Molomo* wa hao o be jwalo ka veine e monate ka ho fetisisa.”
“E se eka e ka lelemela ha monate bakeng sa moratuwa wa kaJwalo ka veine e theohelang ha monate molomong, e etsang hore motho a robale.
10 Nna ke wa moratuwa wa ka+Mme o batla nna feela.
11 Tloo, wena moratuwa wa ka,Re ye masimong.
A re itulele hara dimela tsa hena.+
12 A re tsohe hoseng mme re ye dirapeng tsa moraraE le hore re bone hore na sefate sa morara se hlometse,*Hore na thunthung e phutholohile,+Le hore na difate tsa dikgarenate di thuntse.+
Ha re le moo ke tla o bontsha hore ke a o rata.+
13 Dimandrake*+ di nkga ha monate,Menyakong ya rona ho na le ditholwana tse monate tsa mefuta yohle.+
Wena moratuwa wa ka, ke o boloketseTse ntjha ha mmoho le tsa kgale.”
Dintlha tse qetellong ya sehloho
^ Ka Seheberu: “meqathatso.”
^ Ka Seheberu: “wa hlooho ya hao.”
^ Ka Seheberu: “nko ya hao.”
^ Ka Seheberu: “mahalapa.”
^ Kapa: “thuntse.”
^ Ke semela seo basadi ba neng ba ja tholwana ya sona hobane ba nahana hore e tla ba thusa ho ima.
