Sefela sa Difela 8:1-14
-
Dikgaitsedi tsa morwetsana (5a)
-
‘Ke mang ngwanana eo ya itshetlehileng ka moratuwa wa hae?’
-
-
Mantswe a morwetsana (5b-7)
-
“Lerato le matla jwalo ka lefu” (6)
-
-
Dikgaitsedi tsa morwetsana (8, 9)
-
“Haeba ke lerako, . . . empa haeba ke monyako, . . .” (9)
-
-
Mantswe a morwetsana (10-12)
-
“Nna ke lerako” (10)
-
-
Mantswe a modisana (13)
-
‘E re ke utlwe lentswe la hao’
-
-
Mantswe a morwetsana (14)
-
“O mathe ka lebelo jwalo ka tshephe”
-
8 Hoja o ne o le kgaitsedi ya ka,E antseng matswele a mme wa ka.
Ha ke ne nka o fumana ka ntle, ke ne ke tla o suna+Mme ho ne ho se motho ya tla ntjheba hampe.
2 Ke ne ke tla o etella pele,Ke o tlise ka tlung ya Mme+Ya nthutileng.
Ke ne ke tla o fa veine e nokilweng ka dinoko hore o e nwe,Lero le letjha la dikgarenate.
3 Letsoho la hae le letshehadi le ne le tla ba tlasa hlooho ya kaEbe o nkopa ka letsoho la hae le letona.+
4 Baradi ba Jerusalema, ke a le hlapantshaHore le se ke la leka ho tsosa lerato ka ho nna ho fihlela lerato le itlhahisa.”+
5 “Ke mang ngwanana eo ya nyolohang naheng,Ya itshetlehileng ka moratuwa wa hae?”
“Ke ile ka o tsosa tlasa sefate sa diapoleMoo mme wa hao a ileng a ba le mahlaba a pelehi.
Ke hona moo a ileng a o pepela teng.
6 Mpehe jwalo ka setempe pelong ya hao,Jwalo ka setempe letsohong la haoHobane lerato le matla jwalo ka lefu,+Botshepehi bo phehella jwalo ka Lebitla.*
Malakabe a lerato ke mollo o tjhesang, lelakabe la Jah.*+
7 Metsi a mangata a ke ke a tima lerato,+Le dinoka di ke ke tsa le hohola.+
Haeba motho a ne a ka fana ka maruo ohle a ntlo ya hae bakeng sa lerato,Batho ba ne ba tla a* nyatsa.”
8 “Re na le kgaitsedi e nyenyane+E se nang matswele.
Re tla etsetsa kgaitsedi ya rona engLetsatsing leo a tla kopuwa ka lona?
9 Haeba ke lerako,Re tla haha tora ya silevera hodima haeEmpa haeba ke monyako,Re tla mo kwala ka lepolanka la kedare.”
10 “Nna ke lerakoLe matswele a ka a jwalo ka ditora.
Ke ka hoo mahlong a hae ke leng mothoYa nang le kgotso.
11 Solomone o ne a ena le serapa sa morara+ Baale-hamone.
O ile a se siya matsohong a bahlokomedi.
E mong le e mong o ne a tlisa dikotwana tsa silevera tse sekete bakeng sa ditholwana tsa sona.
12 Dikotwana tse sekete tsa silevera* ke tsa hao, wena SolomoneMme makgolo a mabedi ke a ba hlokomelang ditholwana tsa sonaEmpa nna ke na le serapa sa ka sa morara se taolong ya ka.”
13 “Wena ya dulang dirapeng,+Metswalle ya ka* e thehile tsebe hore e utlwe lentswe la hao.
Ere ke le utlwe.”+
14 “Potlaka, moratuwa wa ka,O mathe ka lebelo jwalo ka tshephe+Kapa jwalo ka namane e tona ya kgamaHodima dithaba tsa dinoko.”
Dintlha tse qetellong ya sehloho
^ “Jah” ke kgutsufatso ya lebitso Jehova.
^ Kapa mohlomong: “mo.”
^ Ka Seheberu: “Tse sekete.”
^ Kapa mohlomong: “ya hao.”
