Ho Tite 3:1-15
3 Dula o ba hopotsa hore ba mamele le ho ikokobeletsa mebuso le balaodi,+ ba itokisetse mesebetsi yohle e lokileng,
2 ba se ke ba bua mang kapa mang hampe, ba se ke ba rata dikgang, ba se ke ba tsitlella maikutlo a bona,+ ba be bonolo ho batho bohle.+
3 Etswe le rona re kile ra ba dithoto, re sa mamele, re kgelohile, re le makgoba a ditakatso le menyaka e sa tshwaneng, re phela ka bokgopo le mona, re sa ratehe re bile re hloyane.
4 Le ha ho le jwalo, ha mosa wa Mopholosi wa rona Modimo+ le lerato leo a ratang batho ka lona di bonahatswa,
5 o ile a re pholosa, eseng ka lebaka la mesebetsi e lokileng eo re e entseng+ empa ka lebaka la mohau wa hae.+ O ile a re pholosa ka metsi a ileng a re fa bophelo*+ le ka ho re ntjhafatsa ka moya o halalelang.+
6 O ile a re fa moya ona ka bongata* a sebedisa Jesu Kreste Mopholosi wa rona+
7 e le hore re ka ba majalefa+ a nang le tshepo ya bophelo bo sa feleng+ ka mora hore ho bolelwe hore re lokile ka lebaka la mosa* wa hae.+
8 Mantswe ana ke nnete mme ke batla hore o dule o hatisa ditaba tsena e le hore ba dumelang ho Modimo ba ka dula ba nahana ka ho ntshetsa pele mesebetsi e metle. Dintho tsena di ntle mme di molemong wa batho.
9 Empa o se ke wa kena dikgang tse se nang kelello, ditaba tsa maloko, diqabang le dintwa tse mabapi le molao ka ha ha di na thuso mme ke tsa lefeela.+
10 Ha e le motho ya hasang thuto e fosahetseng,+ o kgaotse ho tlwaelana le yena+ haeba a hana ho mamela ka mora hore o mo eletse* ka makgetlo a mabedi.+
11 O tsebe hore motho ya jwalo o se a kgelohile tsela e nepahetseng, o etsa sebe ebile o ikahlotse.
12 Ha ke romela Artemase kapa Tikikase+ ho wena, o etse sohle se matleng a hao hore o tle ho nna Nikopolise ka ha ke hona moo ke entseng qeto ya hore ke tla dula teng mariha.
13 Thusa Zenase ya rutehileng Molaong le Apolose ka dintho tseo ba di hlokang bakeng sa leeto la bona e le hore ba se ke ba haellwa ke letho.+
14 Empa batho ba habo rona le bona ba ke ba ithute ho tswela pele ka mesebetsi e metle e le hore ba thusetse ha ho ena le dintho tse hlokwang ka potlako.+ Ha ba etsa jwalo, ba ke ke ba kgaotsa ho etsa mesebetsi e metle.*+
15 Bohle ba nang le nna ba re o dumele. Ntumedisetse badumedimmoho le rona ba re ratang.
E se eka Modimo a ka ba mosa ho lona kaofela.
Dintlha tse qetellong ya sehloho
^ Ka Segerike: “ka ho re hlatswa.”
^ Kapa: “o mongata.”
^ Kapa: “lemose.”
^ Ka Segerike: “ho beha ditholwana.”
