Tshenolo e yang ho Johanne 3:1-22
3 Ngolla lengeloi la phutheho e Sarda o re: Ya nang le meya e supileng ya Modimo+ le dinaledi tse supileng+ o re: ‘Ke tseba diketso tsa hao, o tsebahala ka hore o a phela empa ha e le hantle o shwele.+
2 Fadimeha+ mme o matlafatse dintho tse setseng tse ka nnang tsa shwa ka ha ke hlokometse hore ha o eso qete ho etsa dintho tsohle tseo Modimo a batlang hore o di etse.
3 Ka hona, dula o hopola molaetsa oo o o amohetseng le oo o o utlwileng, o tswele pele ho o boloka mme o bake.+ Haeba o sa tsohe, ke tla tla jwalo ka leshodu+ mme ho hang o ke ke wa tseba hore na ke tla tla ho wena ka hora efe.+
4 Le ha ho le jwalo, ho na le batho ba seng bakae Sarda ba sa kang ba silafatsa diaparo tsa bona+ mme ba tla tsamaya le nna ba apere tse tshweu+ hobane ba a tshwaneleha ho etsa jwalo.
5 Ya tla hlola ntwa+ o tla apeswa diaparo tse tshweu.+ Nke ke ka hlakola lebitso la hae bukeng ya bophelo+ empa ha ke le ka pela Ntate le mangeloi a hae, ke tla re ke a mo tseba.+
6 Ya nang le tsebe a utlwe hore na moya o reng ho diphutheho.’
7 Ngolla lengeloi la phutheho e Filadelfia o re: Ya halalelang+ wa nnete,+ ya nang le senotlolo sa Davida,+ ya bulang e le hore ho se ke ha eba le ya tla kwala, le ya kwalang e le hore ho se ke ha eba le ya tla bula o re:
8 ‘Ke tseba diketso tsa hao. Ke o buletse lemati+ leo ho se nang motho ya ka le kwalang. Ke a tseba hore o na le matla a manyenyane, hore o ile wa mamela lentswe la ka le hore ha o a ka wa latola lebitso la ka.
9 Bao e leng ba lequlwana la Satane ba reng ke Bajuda empa e se bona+ ba le leshano, ke tla ba tlisa e le hore ba kgumame ka pela maoto a hao le ho ba tsebisa hore ke o ratile.
10 Ka hobane o ile wa ba le mamello+ jwalo ka nna, le nna ke tla o sireletsa nakong ya tlhahlobo*+ e tla tlela lefatshe lohle e le hore ke hlahlobe bohle ba dulang lefatsheng.
11 Ke tla kapele.+ Tshwara ka thata dintho tseo o nang le tsona e le hore ho se ke ha eba le ya tla nka moputso wa hao.+
12 Ke tla etsa tjena ho ya tla hlola ntwa: Ke tla mo etsa pilara ka tempeleng ya Modimo wa ka mme a ke ke a hlola a tswa ka ho yona. Ke tla ngola hodima hae lebitso la Modimo wa ka,+ lebitso la ka le letjha+ le lebitso la motse wa Modimo wa ka e leng Jerusalema e Ntjha+ e theohang e tswa lehodimong ho Modimo wa ka.
13 Ya nang le tsebe a utlwe hore na moya o reng ho diphutheho.’
14 Ngolla lengeloi la phutheho e Laodisia+ o re: Amen,+ paki+ e tshepahalang le ya nnete+ ebile e le wa pele eo Modimo a mo bopileng+ o re:
15 ‘Ke tseba diketso tsa hao, ha o bate, ha o tjhese. Ekare o ka be o bata kapa o tjhesa.
16 Jwale ka ha o foofo, ha o bate,+ ha o tjhese,+ ke tlo o hlatsa.
17 O re: “Ke morui+ ebile ha ke hloke letho” empa ha o tsebe hore ha o a thaba, o a haula, o mofutsana, o foufetse ebile o hlobotse.
18 Ke o eletsa hore o reke dintho tsena ho nna: Kgauta e hlwekisitsweng ka mollo e le hore o ka rua, moriana wa mahlo hore o tlotse mahlo+ a hao e le hore o ka bona+ le diaparo tse tshweu hore o apare e le hore batho ba se ke ba o bona o hlobotse+ yaba o a swaba.
19 Ke laya le ho kgalemela bohle bao ke ba ratang.+ Ka hona, tjheseha mme o bake.+
20 Ke eme monyako ke a kokota. Haeba ho ena le motho ya utlwang lentswe la ka mme a bula monyako, ke tla kena ka tlung ya hae mme re je dijo tsa mantsiboya mmoho.
21 Ya tla hlola ntwa+ ke tla mo dumella ho dula le nna teroneng ya ka+ feela jwalo ka ha le nna ke ile ka hlola ntwa mme ka dula+ le Ntate teroneng ya hae.
22 Ya nang le tsebe a utlwe hore na moya o reng ho diphutheho.’”
Dintlha tse qetellong ya sehloho
^ Ka Segerike: “ka hora ya teko.”
