POTSO YA 7
Bibele e Ile ya re ho Tla ba Jwang Mehleng Ena ya Rona?
“Ditjhaba di tla lwantshana le mebuso e hlaselane. . . . Dintho tsena tsohle ke qalo feela ya tlokotsi.”
“Ho tla hlaha baprofeta ba bangata ba bohata ebe ba kgelosa batho ba bangata. Batho ba bangata ha ba sa tla ratana ka lebaka la ho ata ha tlolo ya molao.”
“Ha le utlwela ka dintwa le ditlaleho tsa tsona, le se ke la tshoha. Dintho tsena di tla etsahala empa ha e eso be bofelo.”
“Ho tla ba le ditshisinyeho tse kgolo tsa lefatshe hape ho tla ba le tlala le mafu a sewa sebakeng se seng ka mora se seng. Batho ba tla bona dintho tse tshosang le matshwao a maholo a tswang lehodimong.”
“Mehleng ya bofelo bophelo bo tla ba thata hape ho tla ba kotsi. Batho ba tla itjheba bobona, ba rate tjhelete, ba ithorise, ba ikgohomose, ba bue hampe ka Modimo le ka batho. Ba ke ke ba mamela batswadi, e tla ba batho ba sa leboheng le ba sa tshepahaleng. E tla ba batho ba se nang lerato, ba sa batleng ho dumellana le batho ba bang ka ntho efe kapa efe, ba senyang ba bang mabitso, ba sa ithibeng, ba bohale bo tshosang le ba hloileng dintho tse ntle. E tla ba batho ba fetohelang ba bang, ba manganga, ba ikakasang le ba ratang menate ho ena le ho rata Modimo. Ba tla etsa eka ba rata Modimo empa ba sa phele ka tsela e bontshang hore ho jwalo.”
