“Ho thaba ba mamelang lentswe la Modimo mme ba le boloka!”​—Luka 11:​28, Bibele​—Phetolelo ya Lefatshe le Letjha.

O ka fumana lerato la nnete. ​—Baefese 5:​28, 29.

O ka thabela tlhompho ya sebele. ​—Baefese 5:​33.

O ka ba le tshireletseho ya nnete.​—Mareka 10:​6-9.

E, bonyane ka mabaka a mabedi:

• Modimo ke Moqapi wa lelapa. Bibele e re ‘lelapa le leng le le leng le teng ka lebaka la’ Jehova Modimo. (Baefese 3:​14, 15) Ka mantswe a mang, lelapa le teng hobane Jehova e le yena ya le qapileng. Ke hobaneng ha see e le sa bohlokwa?

  Nahana ka sena: Ha re re o ja dijo tse hlabosang mme o batla ho tseba hore na di entswe jwang, o ne o tla botsa mang? Ke ho utlwahalang ho botsa motho ya di phehileng.

  Ka ho tshwanang, e le hore re fumane se etsang hore lelapa e be le thabileng, re lokela ho botsa Jehova, Moqapi wa lelapa.​—Genese 2:​18-24.

• Modimo o a le tsotella. Malapa a lokela ho batla tataiso ya Jehova, eo a fanang ka yona ka Lentswe la hae. Hobaneng? “Hobane o a le tsotella.” (1 Petrose 5:​6, 7) Jehova o le batlela se molemo mme ka mehla keletso ya hae e a sebetsa. ​—Diproverbia 3:​5, 6; Esaia 48:​17,18.