“Mangolo ohle a halalelang a tswa ho Modimo.”​—⁠2 Timothea 3:​16, Bibele​—⁠Phetolelo ya Lefatshe le Letjha.

O ka fumana dikarabo dipotsong tse re tshwenyang bophelong. ​—⁠Diproverbia 2:​1-⁠5.

O ka fumana tataiso e molemo bophelong ba letsatsi le letsatsi.​—⁠Pesaleme ya 119:​105.

O ka ba le tshepo ka bokamoso.​—⁠Baroma 15:⁠4.

E, bonyane ka mabaka a mararo:

• E dumellana ka tsela e hlollang. Bibele e ngotswe ka dilemo tse fetang 1 600, ke batho ba ka bang 40. Ba bangata ba bona ba ne ba sa tsebane. Le ha ho le jwalo, Bibele e a dumellana, e na le sehlooho se le seng se seholo.

• E tlalehile histori ka botshepehi. Borahistori ba atisa ho se bolele ha ditjhaba tsa habo bona di hlotswe. Empa bangodi ba Bibele bona ba tlalehile ka botshepehi diphoso tseo ba di entseng le tse entsweng ke setjhaba sa habo bona.​—⁠2 Dikronike 36:​15, 16; Pesaleme ya 51:​1-⁠4.

• Boprofeta bo ka tsheptjwang. Bibele e ile ya bolela dilemo tse ka bang 200 esale pele ka ho timetswa ha motse wa boholoholo wa Babilona. (Esaia 13:​17-22) E ile ya bolela mokgwa oo Babilona e neng e tla timetswa ka wona, esita le lebitso la motho ya neng a tla e hapa.​—⁠Esaia 45:​1-⁠3.

  Dintho tse ding tse ngata tseo Bibele e di profetileng le tsona di phethahetse hantle ka tsela eo di neng di boletswe ka yona. Empa na see ha se sona seo re ka se lebellang ka Lentswe la Modimo? ​—⁠2 Petrose 1:⁠21.