Ipotse hore na ke hobaneng ha o bala lengolo leo. Bala lengolo ka tsela e tla etsa hore bamamedi ba hao ba utlwisise seo o se buang.

Hlalosa hore seo o se buang se tswa ka Bibeleng. Ha o bua le batho ba dumelang ho Modimo, ba hlalosetse hore Bibele ke Lentswe la Modimo, ka ho etsa jwalo, o tla be o ba bontsha hore seo o ba rutang sona ke maikutlo a Modimo.

Etsa hore bamamedi ba batle ho tseba hore na lengolo leo le reng. Botsa potso eo lengolo le tla e araba, hlahisa bothata boo lengolo le tla bo rarolla kapa taba eo e leng hore Lengolo le tla e hlakisa.