KAROLO YA 3
Bophelo bo ne bo le Jwang Paradeiseng?
Jehova o ile a fa Adama le Eva dintho tse ngata tse molemo. Genese 1:28
Jehova o ile a bopa mosadi wa pele e leng Eva, yaba o mo fa Adama hore e be mosadi wa hae.—Genese 2:21, 22.
Jehova o ile a ba bopa ba e na le dikelello le mmele e phethahetseng, e se nang sebe.
Ba ne ba dula serapeng sa Edene, e leng sebaka se neng se le setle haholo, se e na le dinoka, difate tsa ditholwana le diphoofolo.
Jehova o ne a bua le bona; o ne a ba ruta. Haeba ba ne ba ile ba mo mamela, ba ka be ba ile ba phela ka ho sa feleng Paradeiseng lefatsheng.
Modimo o ile a re ba se ke ba ja tholwana ya sefate sa tsebo ya botle le bobe. Genese 2:16, 17
Le leng la mangeloi le ile la fetohela Modimo. Lengeloi leo le kgopo ke Satane Diabolose.
Jehova o ile a bontsha Adama le Eva sefate se le seng sa ditholwana se neng se le serapeng, yaba o ba bolella hore haeba ba ne ba ka ja ditholwana tsa sona ba ne ba tla shwa.
Satane o ne a sa batle hore Adama le Eva ba mamele Jehova. Kahoo, o ile a sebedisa noha hore e bolelle Eva hore haeba a ne a ka ja tholwana ya sefate seo, o ne a ke ke a shwa empa o ne a tla tshwana le Modimo. Ho hlakile hore seo e ne e le leshano.—Genese 3:1-5.
O ka Nna wa Rata le Tsena
ESSENTIAL BIBLE TEACHINGS
Ke Hobaneng ha Modimo a Bopile Lefatshe?
Lefatshe le tletse ka dintho tse ntle. Le eme sebakeng se nepahetseng ho tloha letsatsing, ebile le boemong bo nepahetseng, mme le potoloha ka lebelo le lekaneng. Ke hobaneng ha Modimo a entse matsapa a makana ho bopa lefatshe?
