Lefatsheng lohle batho ba jewa ke bodutu hobane ba sa kgone ho etsa metswalle. Ditsebi tsa bophelo bo botle di re ho thusa batho ba bang ke tsela ya ho fokotsa maikutlo ana.

•   Mokgatlo wa U.S. National Institutes of Health o re: “Ho thusa batho ha ba hloka thuso ho etsa hore bophelo ba rona bo be le morero le ho re thusa ho fokotsa ho jewa ke bodutu le ho ikutlwa eka re bang.”

 Bibele e re fa keletso ya hore na re ka etsang ho thusa batho ba bang. Ho sebedisa dikeletso tsena ho ka re thusa ho hlola ho jewa ke bodutu.

 Eba motho ya fanang. Batla menyetla ya ho qeta nako o ena le batho ba bang. Ikemisetse ho arolela batho ba bang seo o nang le sona. Ha o etsa sena, batho ba tla ananela seo o ba etsetsang sona mme ba tla thabela ho ba metswalle ya hao.

•   Molaomotheo wa Bibele: “Itlwaetseng ho fana mme batho ba tla le fa.”—Luka 6:38.

 Thusa batho ba bang. Batla menyetla ya ho thusa batho ha ba ena le mathata. Sena se akarelletsa ho ba mamela ka hloko ha ba bua kapa ho ba etsetsa dintho tse tla ba imolla.

•   Molaomotheo wa Bibele: “Motswalle wa nnete o lerato ka dinako tsohle mme ke ngwaneno eo o ka mo tshepang dinakong tsa mahlomola.”—Diproverbia 17:17.

 Ho fumana dintlha tse eketsehileng ka hore na o ka etsang e le hore o be le setswalle le batho ba bang, bala sehlooho se reng: “Bophelo ba Lelapa le Metswalle.”