Ditlaleho tsa ditaba tse latelang di a bontsha hore lefatsheng lohle batho ba bangata ba hlahelwa ke dikgohola tse bakang tshenyo:

•   Ka la 2 August 2023, AP News, e ile ya tlaleha ya re: “China ho bile le pula e ngata haholo dipakeng tsa Moqebelo le Laboraro, eo esale ba e qetela dilemong tse ka bang 140 tse fetileng.”

•   Ka la 3 August 2023, tlaleho ya ditaba ya Jeremane, Deutsche Welle e ile ya re: “Labone e ne e le letsatsi la bobedi lehodiotswana le bitswang Khanun le bakile dipula tse matla tse nang ka moya o mongata Japane e borwa mme batho ba babedi ba hlokahetse. . . . Pula e nele haholo.”

•   Ka la 24 July 2023, BBC News e ile ya tlaleha ya re: “Dikgohola tse ileng tsa eba Nova Scotia mafelobeke, di bakilwe ke dipula tse matla tse ileng tsa na lebopong la lewatle la Atlantic Canada. Pula e jwalo e qetetswe dilemong tse ka bang tse 50 tse fetileng.”

 Bibele e reng ka diketsahalo tse tshwanang le tsee?

 Bibele e bontsha hore re phela “mehleng ya bofelo.” (2 Timothea 3:1) Jesu o ile a profeta hore mehleng ena re tla bona “dintho tse tshosang.” (Luka 21:​11) Maemo a fetofetohang a lehodimo ke ona a ka sehloohong a bakang diketsahalo tsena tse tshosang le tse sa lebellwang ka sekgahla.

 Bibele e re bontsha hore dintho tse ngata tse tshosang tse etsahalang lefatsheng kajeno ha e le hantle di re fa tshepo. Hobaneng? Jesu o ile a re: “Ha le bona dintho tsena di etsahala, le tsebe hore Mmuso wa Modimo o haufi.”​—Luka 21:​31; Matheu 24:3.

 Diketsahalo tsena di bontsha hore haufinyane Mmuso wa Modimo o tla lokisa lefatshe le be maemong a bolokehileng le a laolehileng.​—Jobo 36:​27, 28; Pesaleme ya 107:29.

 Ho ithuta ho eketsehileng ka hore na Mmuso wa Modimo o tla lokisa lefatshe jwang, bala sehlooho se reng: “Who Will Save the Earth?”