DULANG LE FADIMEHILE!
Bibele e Reng ka Dintwa Tse Bakwang ke Dipolotiki?
Batho ba bangata lefatsheng ba tshwenyehile ka lebaka la dintwa tse ngata tse bakwang ke dipolotiki.
Naheng ya Mexico, ho ile ha bolawa batho ba 39 ba hlaheletseng dipolotiking. Palo ena ke e kgolo ka ho fetisisa ho dipalo tse kileng tsa e ba teng mme e ile ya tshosa batho ba bangata haholo hoo boholo ba bona ba sa kang ba ya dikgethong tsa selemo sa 2023-2024.
Haufinyane tjena, Europe ho ile ha e-ba le dintwa tse ngata tse bakwang ke dipolotiki, ho akareletsa le teko ya polao ya tonakgolo ya Slovakia ka la 15 May, 2024.
Batho ba dulang Amerika ba ile ba tshoswa haholo ke teko ya polao ya mopresidente wa mehleng, e leng Donald Trump ka la 13 July, 2024.
Ke hobaneng ha ho ena le dintwa tse ngata hakaale tse bakwang ke dipolotiki? Na di tla ke di fele? Bibele e reng ka taba ye?
Ho ile ha bolelwa esale pele ka dikarohano tse bakwang ke dipolotiki
Bibele e ile ya bolela esale pele hore “mehleng ya bofelo,” eo re phelang ho yona ya batho ba bangata ba ne ba tla ba le mekgwa e tla etsa hore ho be le dintwa le ho se utlwane.
“Mehleng ya bofelo bophelo bo tla ba thata hape ho tla ba kotsi. Batho . . . e tla ba batho ba sa leboheng le ba sa tshepahaleng . . . ba sa batleng ho dumellana le batho ba bang ka ntho efe kapa efe, . . . ba bohale bo tshosang . . . ba fetohelang ba bang, ba manganga [le] ba ikakasang.”—2 Timothea 3:1-4.
Bibele e ile ya boela ya bolela esale pele ka merusu e teng e bakwang ke dipolotiki mehleng ena eo re phelang ho yona. (Luka 21:9) Le ha ho le jwalo, merusu e bakwang ke dipolotiki le dikarohano e tla fela.
Dintwa tse bakwang ke dipolotiki di tla fela
Bibele e ile ya boela ya bolela hore Mmuso wa Modimo o tla nkela mebuso yohle ya batho sebaka.
“Modimo wa lehodimo o tla hloma mmuso. . .o tla silakanya o fedise mebuso ena kaofela mme ke wona feela o tla dula o le teng ka ho sa feleng.”—Daniele 2:44.
Mmuso wa Modimo o tla etsa hore batho ba momahane le hore ho be le kgotso lefatsheng lohle.
Morena wa teng e leng Jesu Kreste, o bitswa “Kgosana ya Kgotso,” mme o tla etsa bonnete ba hore “kgotso e tla ba teng ka ho sa feleng.”—Esaia 9:6, 7.
Batho ba buswang ke Mmuso wa Modimo, ba se ba ntse ba ithuta ho phela ka kgotso hona jwale. Ke ka hoo, Bibele e reng: “Ba tla etsa disabole tsa bona mehoma, ba etse marumo a bona dikere tse kutang dimela. Setjhaba se ke ke sa phahamisetsa setjhaba se seng sabole, ha ba sa tla hlola ba ithuta ntwa.”—Esaia 2:3, 4.
Ho ithuta ho eketsehileng, bala sehlooho se reng “Mmuso wa Modimo o Tla Etsang?” o be o shebelle video e reng Mmuso wa Modimo ke Eng?
O ka Nna wa Rata le Tsena
TORA YA HO LEBELA
Mmuso wa Modimo o Tla Finyella Eng?
Jesu o ne a tseba hore ke Mmuso wa Modimo feela o ka rarollang mathata a batho. Mmuso wa Modimo o se o entse eng ho re kgodisa hore o tla feela o re kgotsofatse?
DULANG LE FADIMEHILE!
Batho ha ba sa Tshepa Boradipolotiki—Bibele e Reng ka Taba Ee?
Bibele e re eletsa hore re be hlokolosi hore na re tshepa mang ebile e re bontsha tsela e tshepahalang ya ka moo re tla fumana bokamoso bo tjhabileng.
DULANG LE LEBETSE!
Ke Hobaneng ha Polotiki e Qabanya Batho Hakaale?—Bibele e Reng ka Taba Ee?
Dipolotiki di ntse di arohanya batho le ho feta. Bibele e bua ka mmuso o tla tlisa tharollo, oo moetapele wa ona a ka etsang hore batho ba phedisane ka kgotso.
TORA YA HO LEBELA
