DULANG LE LEBETSE!
Bibele e Reng ka Bakreste ba Tshehetsang Dintwa?
Ntwa e Ukraine e bontshitse ka moo baetapele ba dikereke tse ngata ba tshehetsang dintwa ka teng. Hlokomela ka moo moruti e mong a tshehetsang naha ya Ukraine ha e mong a tshehetsa naha ya Russia:
“Re tlotla le ho leboha masole ohle a sireletsang naha ya Ukraine ho sera sa yona . . . Re dula re le rapella le ho le tshehetsa.”—Metropolitan Epiphanius I of Kyiv, The Jerusalem Post, March 16, 2022.
“Moetapele wa Kereke ya Orthodox ya Russia o ile a tshwarela masole a Russia tshebeletso ka Sontaha, ho ba kgothaletsa hore ba lwanele naha ya habo bona jwalo ka ha ba etsa ntweng e ntseng e tswela pele Ukraine.”—Reuters, April 3, 2022.
Na Bakreste ba lokela ho tshehetsa dintwa? Bibele e reng ka taba ee?
Bibele e reng ka taba ee?
Bibele e re balatedi ba nnete ba Jesu Kreste ha ba a lokela ho lwana.
“Kgutlisetsa sabole ya hao sebakeng sa yona ka ha bohle ba nkang sabole ba tla bolawa ka sabole.”—Matheu 26:52.
Na motho ya lwanang kapa ya tshehetsang dintwa o mamela mantswe a Jesu?
“Ke le fa taelo e ntjha ya hore le ratane. Le ratane feela jwalo ka ha ke le ratile. Haeba le ratana, bohle ba tla tseba hore le barutuwa ba ka.”—Johanne 13:34, 35.
Na motho ya tshehetsang dintwa o bontsha lerato leo Jesu a ileng a re barutuwa ba hae kapa balatedi ba hae ba tla tsebahala ka lona?
Bala sehlooho se reng “Na Bokreste bo Dumellana le Ntwa?” e le hore o fumane dintlha tse ding.”
Na Bakreste ba lokela ho tshehetsa dintwa?
Na ho a utlwahala hore Bakreste ba se ke ba tshehetsa dintwa? Ho jwalo. Bibele e re mehleng ya rona e leng “matsatsing a ho qetela,” ho ne ho tla ba le batho ba tswang ditjhabeng tsohle ba neng ba ke ke ba “hlola ba ithuta ntwa” jwalo ka ha Jesu a rutile.—Esaia 2:2, 4, naletsana.
Bala Molula-Qhooa o nang le sehlooho se reng “Modimo o Ikutlwa Jwang ka Ntwa?” e le hore o fumane dintlha tse ding.
Haufinyane Jehova a e leng “Modimo wa kgotso,” o tla sebedisa mmuso wa hae o lehodimong ho pholosa batho “ho ba ba hatellang le ho ba ba lwantshang.”—Bafilipi 4:9; Pesaleme ya 72:14.
Shebella video e reng Mmuso wa Modimo Keng? e le hore o bone hore na o tla etsa seo jwang.
a Jehova ke lebitso la Modimo.—Pesaleme ya 83:18.
O ka Nna wa Rata le Tsena
DULANG LE LEBETSE!
Bibele e Reng ka Madumedi a Nkang Lehlakore Ntweng e Ukraine?
Baetapele ba dikereke ba Russia le Ukraine ba susumetsa batho ho etsa dintho tse kgahlanong le tseo Jesu a rutileng balatedi ba hae ho di etsa le tseo ba sa lokelang ho di etsa.
ESSENTIAL BIBLE TEACHINGS
Ke Hobaneng ha Modimo a Dumella Mathata?
Batho ba bangata ba botsa hore na ke hobaneng ha ho tletse lehloyo le mathata lefatsheng. Bibele e fana ka dikarabo tse kgotsofatsang le tse tshedisang.
FADIMEHANG!
Seo Bibele e se Buang ka Ntwa
Mehleng ya kgale kwana, Baiseraele ba ne ba lwana dintwa ka lebitso la Modimo wa bona Jehova. Empa na see se bolela hore Modimo o dumella dintwa tse teng kajeno?
