Ho Tseba Modimo ho re Atametsa ho Yena
Mmopi wa rona ha a matla feela empa o boetse o na le makgabane a ratehang. Hape o batla hore re ithute ka yena le hore re be metswalle ya hae. (Johanne 17:3; Jakobo 4:8) Ke ka lebaka leo a re bolelletseng dintho tse ngata ka yena.
Mmopi wa Rona o na le Lebitso
“E le hore batho ba ka tseba hore wena, eo lebitso la hao e leng Jehova, wena o le mong o Ya Phahameng ka ho Fetisisa hodima lefatshe lohle.”—PESALEME YA 83:18.
Bibele e ruta hore Jehova ke yena feela Modimo wa nnete. Ke yena Mmopi wa mahodimo le lefatshe le dintho tsohle tse phelang. Ke yena feela eo re lokelang ho mo rapela.—Tšenolo 4:11.
Jehova ke Modimo ya Lerato
“Modimo ke lerato.”—1 JOHANNE 4:8.
Jehova o sebedisa Bibele le dintho tseo a di bopileng ho re ruta hore na ke motho ya jwang. Lerato ke yona ntho e ka sehloohong eo a nang le yona. Ntho e nngwe le e nngwe eo a e etsang e susumetswa ke lerato. Ha re ithuta ka Jehova haholwanyane, re mo rata le ho feta.
Jehova ke Modimo ya Tshwarelang
“O Modimo wa diketso tsa tshwarelo.”—NEHEMIA 9:17.
Jehova o a tseba hore ha re a phethahala. Ka hoo o ikemiseditse ho re tshwarela. Ha re kopa tshwarelo ho yena ebile re kgaotsa ho etsa dintho tse mpe, o tla re tshwarela ebile a ke ke a re fa kotlo bakeng sa dibe tsa rona tsa nakong e fetileng. —Pesaleme ya 103:12, 13.
Jehova o Batla Hore re mo Rapele
“Jehova o haufi le bohle ba ipiletsang ho yena . . . O tla utlwa mohoo wa bona o kopang thuso.”—PESALEME YA 145:18, 19.
Jehova ha a hloke hore re latele meetlo e itseng kapa re sebedise ditshwantsho ha re mo rapela. O mamela dithapelo tsa rona jwalo ka ha batswadi ba lerato ba mamela bana ba bona.
O ka Nna wa Rata le Tsena
DIPOTSO TSA BIBELE DI A ARAJWA
Jehova ke Mang?
Na ke Modimo wa morabe o le mong feela, jwalo ka Baiseraele?
DIPOTSO TSA BIBELE DI A ARAJWA
Na Modimo ke Matla a sa Tsotelleng Batho?
Bibele e re Modimo o bopile dintho tsohle empa na o a re tsotella?
