Ke Hobaneng ha Batho ba se ba sa Hlomphe Malapa a Bona?

E Bapale

KE HOBANENG HA E LE HA BOHLOKWA HO HLOMPHA BA BANG KA LAPENG?

Ha batho bohle ka lapeng ba hlomphana, seo se etsa hore e mong le e mong a ikutlwe a sireletsehile.

Buka ya The Seven Principles for Making Marriage Work e re haeba banyalani ka bobedi ba hlomphana, seo se etsa hore ba ratane haholo mme ba bontshane mosa dinthong tsohle.
Dipatlisiso di bontsha hore bana ba hlomphang, ba itshepa haholwanyane mme ba kgona ho utlwana le batswadi ba bona, e leng se ba thusang hore ba se ke ba eba le mathata maikutlong le kelellong.

O KA BONTSHA JWANG HORE O HLOMPHA BA BANG KA LAPENG?

Buisanang le le lelapa hore na le ka bontshana tlhompho jwang. Qalang ka ho hlalosa hore e mong le e mong a utlwisise hore na ho bontsha tlhompho ho bolelang. Le ka boela la ngola fatshe dintho tseo le ka ratang ha ba bang ka lapeng ba ka di etsa le tseo ba sa lokelang ho di etsa, e le ho bontsha hore le a hlomphana. Qetellong le ka buisana le le lelapa ka seo le se ngotseng, e le hore e mong le e mong a ka tseba hore na le batla ho bontshana tlhompho jwang.

“Merero ya motho ya kgothetseng e a mo thusa.”—Diproverbia 21:5.

Nahana ka tsela eo wena o tshwarang ba bang ka yona. Na o dula o tshwayatshwaya ba bang ka lapeng diphoso, o nyenyefatsa maikutlo a bona kapa o ba kena hanong ha ba bua le wena?

Keletso: Hlompha molekane le bana ba hao le haeba o nahana hore ke bona ba lokelang ho o hlompha.

“Eba wa pele wa ho bontsha hore o hlompha batho ba bang.”—Baroma 12:10.

Hlompha ba bang ka lapeng le haeba o sa dumellane le bona ka dintho tse itseng. Ha o bolella ba bang ka lapeng ka moo o ikutlwang ka teng, qoba dipolelo tse akaretsang tse kang “le dula le etsa ntho e itseng” kapa “ha ho mohla le etsang ntho e itseng.” Dipolelo tse kang tsena di ka utlwisa ba bang ka lapeng bohloko, tsa ba tsa etsa hore diqabang tse sa reng letho e be bothata bo boholo.

“Karabo e bonolo e leleka kgalefo empa lentswe le hlabang le fehla bohale.”—Diproverbia 15:1.

DIPAKI TSA JEHOVA DI BONTSHA JWANG HORE DI HLOMPHA MALAPA?

Dipaki Tsa Jehova di kgothaletsa malapa hore a hlomphane. Hangata dibuka, dibukana le divideo tseo di di hatisang di bua ka malapa mme di fumaneha mahala.

BAKENG SA BANYALANI: Dihlooho tsa Se ka Thusang Lelapa di ka thusa banna le basadi ho etsa dintho tse latelang . . .

ho mamela ka hloko
ho qoba ho se buise molekane wa hao
ho kgaotsa ho ngangisana

(Batla “Lenyalo le Lelapa” websaeteng ya jw.org/st-za)

BAKENG SA BATSWADI: Dihlooho tsa Se ka Thusang Lelapa di ka thusa batswadi ho ruta bana ba bona ho etsa dintho tse latelang . . .

ho mamela
ho etsa mosebetsi wa lapeng
ho kopa le ho leboha

(Batla “Lenyalo le Lelapa” websaeteng ya jw.org/st-za)

O ka boela wa sheba sehlomathiso se reng, “Dipotso Tseo Batswadi ba di Botsang,” Bukeng ya 1 ya Lipotso Bacha Baa Botsa—Likarabo Tse Sebetsang. (Batla “Dipotso Tseo Batswadi ba di Botsang” websaeteng ya jw.org/st)

BAKENG SA BATJHA: Karolo ya Batjha e hlahang websaeteng ya jw.org e na le dihlooho, divideo le maqephe ao batjha ba ka ngollang dintlha ho wona mme e ka thusa batjha ho etsa dintho tse latelang . . .

ho phedisana hantle le batswadi le bana ba bo bona
ho buisana le batswadi ka tlhompho ka melao eo ba e behang
ho etsa hore batswadi ba ba tshepe

(Batla “Batjha” websaeteng ya jw.org/st-za)

O ka sebedisa websaete ya jw.org neng le neng ha o batla. Ha o hloke ho patala, ho ingodisa kapa ho ba Paki ya Jehova ebile ha o hloke ho fana ka boitsebiso ba hao hore o kene websaeteng ena.

FADIMEHANG!