Haeba ke rona ba ipakelang mathata, seo se bontsha hore re ka kgona ho fedisa mathata a rona.

Batho ba ka ipakela mathata ho ya boholeng bofe?

• Tlhekefetso.

  World Health Organization (WHO) e hakanya hore bathong ba bane, a le mong wa bona o ile a hlekefetswa ka ho shapuwa bophelong ba hae, athe ho Bomme ba bararo a le mong wa bona o ile a hlekefetswa ka thobalano bophelong ba hae kapa ka ho shapuwa.

• Ho hlokahallwa ke motho eo o mo ratang.

  World Health Statistics 2018 e ngotsweng ke WHO e hakanya hore batho ba ka bang 477 000 ba ile ba bolawa lefatsheng lohle ka selemo sa 2016. Ho ekelletsa moo, ba boetse ba hakanya hore batho ba ka bang 180 000 e ka nna yaba ba ile ba bolawa ntweng kapa ka lebaka la dikgohlano.

• Ho Kula.

  Mongodi e mong ya bitswang Fran Smith wa makasine wa National Geographic o re: “Batho ba fetang dibillione ba a tsuba mme kwae ke e nngwe ya dintho tse etsang hore batho ba tshwarwe ke mafu a bolayang a kang: lefu la pelo, setorouku, ho thatafallwa ke ho hema, mafu a amanang le matshwafo le kankere ya matshwafo.”

• Ho se Tshwarwe ka Tekatekano.

  Setsebi se seng sa kelello Jay Watts se re: “Dintho tse kang tshotleho, ho se tshwarwe ka tekatekano, kgethollo ya morabe, kgethollo ya bong, ho se amohelwe dibakeng tse itseng le setso di ka bakela motho kgatello ya kelello.”

  ITHUTE HO EKETSEHILENG

  Shebella video ya Ke Hobaneng ha Modimo a Bopile Lefatshe? ho jw.org/st-za.

Mathata a mangata a teng lefatsheng kajeno a bakilwe ke batho.

A mang a ona a bakilwe ke mebuso e hatellang e ipolelang hore e sebeletsa setjhaba.

‘Motho o busitse motho ho mo ntsha kotsi.’​—MOEKLESIA 8:9.

Mathata a ka fela.

Melaomotheo ya Bibele e ka re thusa hore re phele hantle mme re be le setswalle se setle le ba bang.

“Pelo e nang le kgutso ke bophelo ba sebopuwa sa nama, empa poulelo ke ho bola masapong.”​—LIPROVERBIA 14:30.

“Lehloyo le nang le lonya le bohale le kgalefo le ho tleroha le puo e nyefolang di ke di tloswe tsohle ho lona ha mmoho le bobe bohle.”​—BAEFESE 4:31.