1. 1. SATANE DIABOLOSE. Satane, e leng lengeloi la lerabele, ke yena ya etsang hore ho be le lehloyo. Modimo o tla fedisa Satane le bohle bao a ba susumetsang hore ba be le lehloyo.​—Pesaleme ya 37:​38; Baroma 16:⁠20.

2. 2. LEFATSHE LE BUSWANG KE SATANE LE TLETSENG LEHLOYO. Modimo o tlilo fedisa ntho e nngwe le e nngwe e bakang lehloyo, ho akarelletsa le boradipolotiki le baetapele ba bodumedi ba hlohlelletsang lehloyo. Modimo o tla boela a fedise borakgwebo ba meharo, ba tletseng bobodu le ba tlatlapang batho.​—2 Petrose 3:​13.

3. 3. BOETSADIBE. Bibele e ruta hore batho ba tswetswe e le baetsadibe, e leng se etsang hore ba nahane le ho etsa dintho tse fosahetseng. (Baroma 5:​12) Lehloyo le lona le bakwa ke hobane batho ba tswetswe e le baetsadibe. Modimo o tla thusa batho hore ba hlole menahano ena e fosahetseng e le hore a ka fedisa lehloyo mme le se ke la hlola le eba teng.​—Esaia 54:​13.

1. 1. HO HLOKA TOKA HO TLO FELA. Mmuso wa Modimo o tlo busa lefatshe ka toka. O tla busa lefatshe o le lehodimong ka ho sa feleng. (Daniele 2:​44) Kgethollo le lehloyo di tla fela. Modimo o tla fedisa ho hloka toka ho teng hona jwale.​—Luka 18:⁠7.

2. 2. BATHO BOHLE BA TLA PHELA KA KGOTSO. Ha ho motho ya tla utlwa bohloko ka lebaka la dintwa. (Pesaleme ya 46:⁠9) Batho ba tla beng ba phela lefatsheng e tlaba ba ratang kgotso, ka hoo lefatshe e tla ba sebaka se bolokehileng.​—Pesaleme ya 72:⁠7.

3. 3. BATHO BOHLE BA TLA PHELA MAEMONG A MATLE. Batho bohle ba tla ratana. (Matheu 22:​39) Ha ho na motho ya tla utlwa bohloko ka lebaka la dintho tse fetileng kapa a nahane ka tsona. (Esaia 65:​17) Nakong eo lehloyo le seng le le siyo, batho ba tla “fumana thabo e phethehileng kgotsong e ngata.”​—Pesaleme ya 37:⁠11.

Na o ka thabela ho phela lefatsheng leo? Le hona jwale, batho ba bangata ba kgona ho hlola lehloyo ka ho sebedisa keletso ya Bibele. (Pesaleme ya 37:⁠8) Lefatsheng lohle Dipaki Tsa Jehova di etsa seo. Le hoja e le batho ba ditso tse fapaneng mme ba hodisitswe ka tsela e sa tshwaneng, ba a utlwana ebile ba a ratana.​—Esaia 2:​2-⁠4.

Dipaki Tsa Jehova di ka thabela ho arolelana le wena seo di ithutileng sona ka hore na di mamella ho hloka toka le kgethollo jwang. Seo o ithutang sona se ka o thusa hore o kgaotse ho ba le lehloyo mme o be le lerato. O ka boela wa ithuta ka moo o ka ratang batho ba se nang kananelo le ba nang le lehloyo ka teng. Ha o etsa jwalo, o tla thaba mme o tla thabela ho ba motswalle wa batho ba bang. O tla boela o ithute hore na o lokela ho etsang e le hore o phele lefatsheng le buswang ke Mmuso wa Modimo, nakong eo lehloyo le tla beng le le siyo.​—Pesaleme ya 37:⁠29.